ވަލެއް އައްސަން ހުޅުމާލެ ފަޅުތެރެއަށް ފޭބި ދިވެއްސަކު ގެއްލިގެން ހޯދަން ފަށައިފިއެވެ.
މި ހާދިސާއާ ގުޅިގެން ފުލުހުން ބުނެފައިވަނީ، މިއަދު އިރުއޮއްސި 18:30 އެހާއިރު ހުޅުމާލޭގެ ސްޓެލްކޯއާ ދިމާލުން ފަޅުތެރެއަށް ވަލެއް އެއްސުމަށް ފޭބި ދިވެހި ފިރިހެނަކު ގެއްލިގެން ހޯދުމުގެ މަސައްކަތް ކުރަމުން އަންނަ ކަމަށެވެ. އެމީހާއާ ބެހޭ އިތުރު އެއްވެސް ތަފްސީލެއް ފުލުހުން ހާމަކޮށްފައެއް ނުވެއެވެ.
އެމީހާ ހޯދަމުގެ މަސައްކަތް ކުރަމުން އަންނަނީ ފުލުހުންނާއި އެމްއެންޑީއެފްގެ ކޯސްޓްގާޑް ގުޅިގެންނެވެ. ނަމަވެސް، މިހާތަނަށް އެ މީހާ ފެނިފައެއް ނުވެއެވެ.
