ބެލަރޫސްގައި ހުންނަ ފީލްޑް ސްޓޯރޭޖް ފެސިލިޓީތަކަށް ރަޝިޔާއިން މިއަދު ނިއުކްލިއާ ހަތިޔާރު ގެންގޮސް، އެ ޤައުމުގެ ސްޓްރެޓީޖިކް ނިއުކްލިއާ ބާރުތަކުގެ ބައެއް ތަކެތި ދައްކާލައިފިއެވެ. މިކަން ހިނގާފައިވަނީ ޔޫކްރޭން ހަނގުރާމަ އާއި ބެލްޓިކް ސަރަހައްދުގެ ޑްރޯން ހަރަކާތްތަކާ ގުޅިގެން ނޭޓޯގެ ޔޫރަޕު މެންބަރު ޤައުމުތަކާއެކު އޮތް މަސްރަޙު ގޯސްވެފައިވާ ދަނޑިވަޅެއްގައެވެ.
ރަޝިޔާ އިން މިހާރު ކުރިއަށްގެންދަނީ ފަހުގެ ތާރީޚެއްގައި ހިންގާ އެންމެ ބޮޑު ނިއުކްލިއާ ތަމްރީނުތަކެވެ. މި ތަމްރީނުތަކުގައި 64,000 މީހުން ބައިވެރިވާއިރު، މީގެ ބޭނުމަކީ ”ގައުމަށް ދެވޭ އުދުވާނީ ހަމަލާއެއްގައި ނިއުކްލިއާ ބާރުތައް ތައްޔާރުކޮށް ބޭނުންކުރާނެ ގޮތް“ ސިފައިންނަށް ދަސްކޮށްދީ ތަމްރީނުކުރުމެވެ.
ރަޝިޔާގެ ރައީސް ޕުޓިން ބުނެފައިވާ ގޮތުގައި ހަނގުރާމައެއްގެ ސަބަބުން ނިއުކްލިއާ ހަތިޔާރު ބޭނުން ކުރުމަކީ އެޤައުމުގެ އެންމެ ފަހު އިޙްތިޔާރަކަށް ކުރާނެ ކަމެވެ.
