Tuesday, 17 November 2026
Ads by

”ޗެއަރޕާސަން އިންތިހާބުގައި ނަޝީދު ވާދަކުރެއްވުމަކީ އެންމެ ރަނގަޅު ގޮތެއް ނޫން، ފުރުސަތު ދޭންވީ ޒުވާނުންނަށް“

”ޗެއަރޕާސަން އިންތިހާބުގައި ނަޝީދު ވާދަކުރެއްވުމަކީ އެންމެ ރަނގަޅު ގޮތެއް ނޫން، ފުރުސަތު ދޭންވީ ޒުވާނުންނަށް“

ކުރީގެ 2 ރައީސުން އަދި އެމްޑީޕީގެ ކުރީގެ ޗެއަރޕާސަން----

އެމްޑީޕީގެ ޗެއަރޕާސަންކަމުގެ މަގާމަށް ބޭފުޅަކު ހޮވުމަށް ބާއްވާ އިންތިހާބުގައި ކުރީގެ ރައީސް މުޙައްމަދު ނަޝީދު ވާދަކުރެއްވުމަކީ އެންމެ ރަނގަޅު ގޮތް ނޫން ކަމަށާއި، މިފަދަ ފުރުސަތުތަކަކީ ޒުވާނުންނަށް ދޭންޖެހޭ ފުރުސަތުތަކެއް ކަމަށް ކުރީގެ ރައީސް އިބްރާހިމް މުޙައްމަދު ޞާލިޙު (އިބޫ) ވިދާޅުވެއްޖެއެވެ.

Ad Image
Ads by

އިބޫ މި މޭރުމުން ވިދާޅުވީ، އެމްޑީޕީގެ ޗެއަރޕާސަން ކަމަށް ވާދަކުރައްވާ، ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއީލް ނަސީމްގެ ޅ. ހިންނަވަރުގައި ބޭއްވި ކެމްޕެއިން ޖަލްސާއެއްގައި، ވާހަކަދައްކަވަމުންނެވެ. މި ޖަލްސާގައި ވާހަކަދައްކަވަމުން އިބޫ ވިދާޅުވީ، މި ވަގުތަކީ އެމްޑީޕީގެ ލީޑަރޝިޕަށް އާ ބަޔަކު ގެނެސް، އެ ފަރާތްތަކާއެކު ހެޔޮ ބަދަލުތައް ގެންނަން މަސަައްކަތް ކުރަންވީ ވަގުތު ކަމަށެވެ.

އެހެންކަމުން މި އިންތިހާބުގައި ނަޝީދު ވާދަކުރެއްވުމަކީ އެންމެ ރަނގަޅު ގޮތެއް ނޫން ކަމަށް އިބޫ ވިދާޅުވިއެވެ.

މީގެ އިތުރުން އިބޫ ވިދާޅުވީ، ދިވެހިރާއްޖޭގައި ވޯޓުލުމުގެ ހައްގު ލިބޭ ޒުވާނުންގެ އަދަދު ނިސްބަތުން އިތުރުވަމުން އަންނަ ކަމަށާއި، ކަން މިހެން އޮތް އިރު އެމްޑީޕީގެ ލީޑަރޝިޕްގައި ޒުވާން ބޭފުޅުން ހަރަކާތްތެރި ނުވާ ނަމަ އެއީ ޖީލަކަށް އޮތް ފުރަސެތެއް ހަނިކޮށް ގެއްލުވާލުން ކަމަށެވެ. ހަމައެހެންމެ، 30 އަހަރުވަންދެން ރާއްޖޭގެ ވެރިކަން އެއް ބޭފުޅަކު ކުރެއްވުމުގެ ސަބަބުން ދިމާވި ފަދަ މައްސަލަތައް އެމްޑީޕީ ތެރޭގައި ދިމާވުމަށް ނޭދޭ ކަމަށް އޭނާ ވަނީ ވިދާޅުވެފައެވެ.

”ރާއްޖެ ދުށް 30 އަހަރުގެ ވެރިކަމުގެ ސަބަބުން ދިމާވި މައްސަލަތައް އެމްޑީޕީގެ ތެރެއިން ފެންނާކަށް އަޅުގަނޑެއް ބޭނުމެއް ނޫން. އެހެންވީމަ އެހެން ބަޔަކަށް މި ފުރުސަތު ދީފައި އަޅުގަނޑުމެން އެ ބަޔަކާ އެކު ކުރިއަށް ދާންވީ،“ – އިބޫ ވިދާޅުވިއެވެ.

އަންނަ ޖޫން މަހު އެމްޑީޕީއަށް 21 އަހަރު ފުރޭނެކަން ފާހަގަކުރައްވައި އިބޫ ވިދާޅުވީ، އެ ދުވަހު އެންމެ ބޮޑަށް ދެކެވަޑައިގަންނަވަން ބޭނުންވާ މަންޒަރަކީ އެ ޕާޓީން އިންތިހާބުވި ދެ ރައީސުންނާއި މަޖިލީހުގެ ރައީސް ކަމާއި ނައިބު ރައީސްކަން ކުރެއްވި ބޭފުޅުން އަދި ޕާޓީގެ ޗެއަރޕާސަންކަން ކުރެއްވި ހުރިހާ ބޭފުޅުން އެއް ތަނެއްގައި އަތުރާލައި، އާ ލީޑަރުންނަށް ޕާޓީގެ ހިނގުން ހަވާލުކުރުން ކަމަށެވެ.

އިބޫގެ މި ވާހަކަތަކުގެ ސަބަބުން އެމްޑީޕީގެ އާންމު މެންބަރުންގެ ތެރެއިން ގިނަ ބަޔަކު ވަނީ އިބޫއަށް ނުރުހުމުގެ ބަސްތައް އަމާޒުކޮށްފައެވެ. އެގޮތުން އެމްޑީޕީގެ އާންމު މެންބަރުންގެ ތާއީދު ގެއްލިފައިވާ ބޭފުޅަކު މިފަދަ ވާހަކަދެއްކުމަކީ ރީތި ގޮތެއް ނޫން ކަމަށާއި، ދައްކަންޖެހޭ ވާހަކަތަކާއި ދައްކަންނުޖެހޭ ވާހަކަތައް ނުދެއްކުމަށް ގިނަ ބަޔަކު އަންނަނީ އިބޫއަށާއި މީކާއިލްއަށް ގޮވާލަމުންނެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި