ޙައްޖުވެރިންގެ އިސްވެރިޔަކަށް، އަމީރުލް ޙައްޖުގެ ގޮތުގައި އިޤްތިޞާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ރައީސުލްޖުމްހޫރިއްޔާ ކަނޑައަޅުއްވައިފިއެވެ.
ކޮންމެ އަހަރެއްގެވެސް ޙައްޖަށްދާ ފަރާތްތަކުގެ ހުރިހާ ކަމެއްގެ އެންމެ އިސްފަރާތަކަށް ބޭފުޅަކު ކަނޑައަޅުއްވަނީ، ރައީސުލްޖުމްހޫރިއްޔާއެވެ. މިއަހަރުގެ އަމީރުލް ޙައްޖު ނުވަތަ ޙައްޖުވެރިންގެ އެންމެ އިސްފަރާތަކަށް ރާއްޖެއިން ކަނޑައަޅުއްވާފައިވަނީ، އިޤްތިޞާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުޙައްމަދު ސަޢީދެވެ.
1447 ވަނަ އަހަރުގެ ޙައްޖުގެ މަތިވެރި އަޅުކަމަށްދާ ހުރިހާ ޙައްޖުވެރިން މިހާރުވަނީ، ސަޢުދީއަށް ގޮސްފައެވެ. ޖުމްލަ 4 ފްލައިޓުގައި ޙައްޖުވެރިން ގެންގޮސްފައިވަނީ، މޯލްޑިވިއަންގެ 2 ފްލައިޓާއި ސަޢުދީއާގެ 2 ފްލައިޓުގައެވެ.
ރާއްޖެއަށް ކޮންމެ އަހަރެއްގެވެސް ޙައްޖު މިއަހަރުގެ ޙައްޖުގެ މަތިވެރި އަޅުކަން އަދާކުރުމަށް ރާއްޖެއިންދާ ޙައްޖުވެރިންގެ އެންމެ އިސްވެރިޔާ ނުވަތަ އަމީރުލް ޙައްޖުގެ ގޮތުގައި، އިޤްތިޞާދީ ތަރައްޤީއާއި ދަތުރުފަތުރާއި ވިޔަފާރިއާ ބެހޭ ވަޒީރު މުޙައްމަދު ސަޢީދު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ކަނޑައަޅުއްވައިފިއެވެ.
އިސްލާމިކް މިނިސްޓްރީން މަޢުލޫމާތު ދެއްވި ގޮތުގައި، ކޮންމެ އަހަރަކުވެސް ރާއްޖެއިން ޙައްޖަށްދާ ފަރާތްތަކުގެ ހުރިހާ ކަންކަމެއް ބަލަހައްޓަވާ އެންމެ އިސްފަރާތެއްގެ ގޮތުގައި ބޭފުޅަކު ކަނޑައެޅުއްވުމަކީ ރައީސުލްޖުމްހޫރިއްޔާ ކުރައްވަމުން ގެންދަވާ ކަމެކެވެ. އެގޮތުން 1447 ވަނަ އަހަރުގެ ޙައްޖުވެރިންގެ އަމީރުލް ޙައްޖަކަށް ވަޒީރު މުޙައްމަދު ސަޢީދު ހަމަޖެއްސެވީ، ޙައްޖުގެ އިންތިޒާމުތައް އެންމެ ފުރިހަމައަށް ބަލަހައްޓަވައި، ޙައްޖުވެރިންނަށް ބޭނުންވާ އެހީތެރިކަން ފޯރުކޮށްދިނުމުގެ މަޤްޞަދުގައެވެ.
މިއަހަރުގެ ޙައްޖުގެ މަތިވެރި އަޅުކަމަށް ރާއްޖެއިންދާ ހުރިހާ ޙައްޖުވެރިން މިހާރު ވަނީ ސަޢޫދީ ޢަރަބިއްޔާއަށް ގޮސްފައެވެ. ޖުމްލަ 1000 ޙައްޖުވެރިން ސަޢޫދީއަށް ގެންގޮސްފައިވަނީ 4 ފްލައިޓެއްގައެވެ. މީގެ ތެރޭގައި ހިމެނެނީ ޤައުމީ އެއަރލައިން ”މޯލްޑިވިއަން“ ގެ 2 ފްލައިޓާއި، ސަޢޫދީ އެއަރލައިންސްގެ 2 ފްލައިޓެވެ.
ސަޢޫދީ ސަރުކާރުން ކޮންމެ އަހަރަކުވެސް ރާއްޖެއަށް ދެއްވާ 1000 ޙައްޖު ކޯޓާގެ ދަށުން، މިއަހަރުގެ ޙައްޖުގެ ކަންކަންވެސް އަމާންކަމާއެކު ކުރިއަށް ގެންދިޔުމަށްޓަކައި ދިވެހި ޙައްޖު މިޝަނާއި، މޯލްޑިވްސް ޙައްޖު ކޯޕަރޭޝަނުން ދަނީ މެދުކެނޑުމެއްނެތި މަސައްކަތް ކުރަމުންނެވެ. މިގޮތުން ޙައްޖުވެރިންގެ ހުރުމާއި، ކާބޯތަކެއްޗާއި، އަދި އެހެނިހެން ޒަރޫރީ ބޭނުންތައް އެންމެ ފުރިހަމަ ގޮތުގައި އިންތިޒާމުކުރުމަށް އެ ފަރާތްތަކުން ޚާއްޞަ އިސްކަމެއް ދީގެން އަންނަނީ މަސައްކަތް ކުރަމުންނެވެ.
