ޖުޑީޝަލް ސާވިސް ކޮމިޝަން (ޖޭއެސްސީ) ގެ ނައިބު ރައީސްގެ މަގާމުގައި ހުންނެވި ޔަޒްމީދު މުޙައްމަދު އެ މަގާމުން އިސްތިއުފާ ދެއްވައިފިއެވެ.
ޔަޒްމީދު، އެ މަގާމަށް އިންތިހާބު ކުރީ މިދިޔަ 2025 ވަނަ އަހަރުގެ އޮކްޓޫބަރު މަހުގެ 23 ވަނަ ދުވަހުއެވެ.
ޔަޒްމީދު މަގާމުން އިސްތިއުފާދެއްވުމާ ގުޅިގެން ޖޭއެސްސީން ވަނީ ކޮމިޝަނުގެ ނައިބު ރައީސް އަދި މެންބަރެއްގެ ހައިސިއްޔަތުން އޭނާ ކޮށްދެެއްވާފައިވާ މަސައްކަތަށް ޝުކުރު އަދާކޮށްފައެވެ.
ޖޭއެސްސީގައި މިހާރު ތިބި މެންބަރުންނަކީ:
– ކޮމިޝަންގެ ރައީސް: ހުސްނީ މުބާރިކު – ރައްޔިތުންގެ މަޖިލީހުގެ މެންބަރުންގެ ތެރެއިން އެ މަޖިލީހުން ކަނޑައަޅާ މެންބަރު
– ކޮމިޝަންގެ މެންބަރު: އަބްދުއްރަހީމް އަބްދުﷲ – ރައްޔިތުންގެ މަޖިލީހުގެ ރައީސް
– ކޮމިޝަންގެ މެންބަރު: އަހުމަދު އުޝާމް – ބަންޑާރަނައިބު
– ކޮމިޝަންގެ މެންބަރު: ޙުސައިން ޝަހީދު – އުއްތަމަފަނޑިޔާރު ފިޔަވައި ސުޕްރީމް ކޯޓުގައި ހިމެނޭ ފަނޑިޔާރުންގެ ތެރެއިން، އެ ކޯޓުން އިންތިޚާބު ކޮށްފައިވާ ފަނޑިޔާރު
– ކޮމިޝަންގެ މެންބަރު: ޙަސަން ޝަފީޢު – ހައިކޯޓުގައި ހިމެނޭ ފަނޑިޔާރުންގެ ތެރެއިން، އެ ކޯޓުން އިންތިޚާބު ކޮށްފައިވާ ފަނޑިޔާރު
– ކޮމިޝަންގެ މެންބަރު: ފަރުހާދު ރަޝީދު – ދަށު ކޯޓުތަކުގެ ފަނޑިޔާރުންގެ ތެރެއިން އެ ކޯޓުތަކުން އިންތިޚާބު ކޮށްފައިވާ ފަނޑިޔާރު
– ކޮމިޝަންގެ މެންބަރު: އިދްރީސް ފައުޒީ – އާންމުންގެ ތެރެއިން ރައްޔިތުންގެ މަޖިލިހުން ކަނޑައެޅި މެންބަރު
– ކޮމިޝަންގެ މެންބަރު: މުޙައްމަދު މުޖްތާޒް – ސިވިލް ސާވިސް ކޮމިޝަނުގެ ރައީސް
– ކޮމިޝަންގެ މެންބަރު: ޢަލީ ޢަބްދުއްލަޠީފް – ގާނޫނީ ވަކީލުންގެ ތެރެއިން އިންތިޚާބު ކޮށްފައިވާ މެންބަރު
