ދައުލަތަށް ދިގު މުއްދަތަކަށް ހިދުމަތްކޮށްދެއްވި ފާރޫޤު އަޙްމަދު ނިޔާވުމާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ފާރޫޤުގެ އާއިލާއަށް ތައުޒިޔާ ފޮނުއްވައިފިއެވެ.
ފާރޫޤު ނިޔާވުމާ ގުޅިގެން މީސް މީޑިއާގައި ހިއްސާކުރެއްވި ޕޯސްޓެއްގައި ރައީސް ވިދާޅުވީ، ދިވެހި ދަައުލަތަށް 41 އަހަރަށްވުރެ ދިގު މުއްދަތަކަށް ހިދުމަތްކުރެއްވި، ވަކިން ހާއްސަކޮށް ފުވައްމުލަކު އަތޮޅުވެރިކަމާއި އިދާރީގޮތުން ހިންގުމުގެ އެކި މަގާމުތަކުގައި ބޮޑެތި ހިދުމަތްތަކެއް ކޮށްދެއްވި ފާރޫޤް އަޙްމަދު ނިޔާވުމުގެ ހިތާމައިގައި، އޭނާގެ އާއިލާއަށާއި ފުވައްމުލަކުގެ ރައްޔިތުންނަށް ތައުޒިޔާ ދަންނަވާ ކަމަށެވެ.
إِنَّا لِلّهِ وَإِنَّـا إِلَيْهِ رَاجِعُونَ
ދިވެހި ދަައުލަތަށް 41 އަހަރަށްވުރެ ދިގު މުއްދަތަކަށް ޚިދުމަތްކުރެއްވި، ވަކީން ޚާއްޞަކޮށް ފުވައްމުލަކު އަތޮޅުވެރިކަމާއި އިދާރީގޮތުން ހިންގުމުގެ އެކި މަޤާމުތަކުގައި ބޮޑެތި ޚިދުމަތްތަކެއް ކޮށްދެއްވި، ފުވައްމުލައް ސިޓީ، މާދަނޑު، ސަމާ،… pic.twitter.com/Rp8uAEbQGr
— Dr Mohamed Muizzu (@MMuizzu) May 18, 2026
ވަކިވެވަޑައިއެގަތީ ދިވެހި އަދަބިއްޔާތަށާއި، ދިވެހި ތާރީހަށް ވެސް ގިނަގުނަ ހިދުމަތްކުރެއްވި ތަޖުރިބާކާރު އަގުހުރި ޝަހްސިއްޔަތެއްކަން ރައީސްގެ ޕޯސްޓުގައި ވަނީ ފާހަގަކުރައްވައިފައެވެ.
އެމަނިކުފާނު ވަނީ މަރްހޫމް ފާރޫޤު އަޙްމަދަށް ސުވަރުގޭގެ ދާއިމީ ނިއުމަތް ދެއްވައި، މާތްﷲގެ ތަނަވަސް ރަހުމަތުގައި ލެހެއްޓެވުމަށް އެދި ދުޢާކުރައްވައިފައެވެ.
