ނައިޖީރިއާގެ އިރުއުތުރު ޔޯބީ ސްޓޭޓުގައި ހުންނަ، ފުލުހުންވެސް ތަމްރީނުކުރާ އަސްކަރީ ޚާއްޞަ ސްކޫލަކަށް ހަތިޔާރުއެޅި ޖަމާއަތަކުން ދިން ހަމަލާއެއްގައި މަދުވެގެން ފުލުހުންގެ 17 އޮފިސަރުން މަރުވެއްޖެ ކަމަށް، އެޤައުމުގެ ފުލުހުންގެ ތަރުޖަމާނު މިއަދު ބުނެފިއެވެ.
”އެ ތަނުގައި ޚާއްޞަ އޮޕަރޭޝަނަލް ތަމްރީނުތަކެއް ފުރިހަމަކުރަމުންދިޔަ އޮފިސަރުންގެ ފުރާނަ ގެއްލުނީ، ހަތިޔާރުއެޅި ހަނގުރާމަވެރިން ރާވައިގެން އެކި ދިމަދިމާލުން އެ ތަނަށް ދިނުމުން،“ ފުލުހުންގެ ތަރުޖަމާނު އެންތަނީ އޮކޮން ޕްލެސިޑް ބުނެފައި ވެއެވެ.
މީގެ އިތުރުން ސިފައިންގެ ބައެއް މީހުންވެސް މި ހަމަލާގައި މަރުވެފައިވާ ކަމަށް އޭނާ ބުނި ނަމަވެސް، އަސްކަރިއްޔާއިން މަރުވި މީހުންގެ ސީދާ އަދަދެއް ހާމައެއް ނުކުރެއެވެ. ނައިޖީރިއާ ސަރުކާރުން މިފަދަ އަސްކަރީ ޚާއްޞަ ތަމްރީނުދޭ އިންސްޓިޓިއުޝަންތައް އުފައްދާފައިވަނީ، އެގައުމަށް ކުރިމަތިވެފައިވާ ޓެރަރިސްޓުންގެ ނުރައްކާތަކާ ދެކޮޅަށް މަސައްކަތް ކުރުމުގެ ގޮތުންނެވެ.
މިހަމަލާގެ ޒިންމާ އަދި އެއްވެސް ހަތިޔާރުއެޅި ޖަމާއަތަކުން ނަގާފައެއް ނުވެއެވެ.
