ލުބުނާނުގެ ދެކުނުން ޙާރޫފް ސަރަހައްދުގައި ހުންނަ އިސްލާމިކް ހެލްތު ކޮމިޓީގެ މަރުކަޒަކަށް ޔަހޫދީ އިޒްރޭލުން އިއްޔެ ދިން ވައިގެ ހަމަލާއެއްގައި، 3 ޕެރަމެޑިކުން ހިމެނޭ ހެން މަދުވެގެން 6 މީހުން ޝަހީދުކޮށްލައި، 22 މީހުން ޒަޚަމްކޮށްލާފައިވާ ކަމަށް ލުބުނާނުގެ ދައުލަތުގެ ނޫސް އެޖެންސީން ބުނެފިއެވެ.
ފާހަގަކޮށްލެވޭ ގޮތުގައި ލުބުނާނުގައި ނަމެއްގައި ހަނގުރާމަ ހުއްޓާލުމުގެ އެއްބަސްވުމަކަށް އާދެވިފައި ވީ ނަމަވެސް އިޒްރޭލުގެ ހަމަލާތައް މެދުނުކެނޑި ކުރިއަށް ދެއެވެ. އަދި އިއްޔެ އެމެރިކާގެ ސްޓޭޓް ޑިޕާޓްމަންޓުން އިޢުލާނުކޮށްފައިވާ ގޮތުގައި ލުބުނާނާއި އިޒްރޭލާއި ދެމެދު ގާއިމުކޮށްފައިވާ ހަމަލާބަދަލުކުރުން ހުއްޓާލުމުގެ އެއްބަސްވުން ވަނީ 45 ދުވަހަށް އިތުރުކޮށްފައެވެ.
