ޕީޕަލްސް ނެޝަނަލް ކޮންގްރެސް (ޕީއެންސީ) ގެ ވަރަށް ފޯރިގަދަ ޖަލްސާއެއް މިރޭ ބޭއްވުމަށް އެ ޕާޓީން ނިންމައިފިއެވެ.
މި ޖަލްސާ ބޭއްވުމަށް ހަމަޖެހިފައިވަނީ މިރޭ 20:30 ގައި ކޮންގްރެސް ޕާޓީގެ މައި އޮފީހާއި ޖަގަހަ ހިންގާ ހ. ވެޔޮވިލާގައެވެ.
މިރޭގެ ޖަލްސާގައި ކޮންގްރެސް ޕާޓީގެ ރައީސް އަދި ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިތުރުން ސަރުކާރާއި ޕާޓީގެ އިސް ބޭފުޅުން ބައިވެރިވެވަޑައިގަތުމަށް ވަނީ ހަމަޖެހިފައެވެ.
މި ޖަލްސާއަށް ކޮންގްރެސް ޕާޓީގެ އެންމެހާ ލޮބުވެތި މެމްބަރުންނާއި، ސަޕޯޓަރުންނަށް އެ ޕާޓީގެ ފަރާތުން ވަނީ ދަޢުވަތު އަރުވާފައެވެ. ވީހާވެސް ގިނަ ބަޔަކު މި ޖަލްސާގައި ބައިވެރިވުމަކީ ޕާޓީގެ ވަރަށް ބޮޑު އެދުމެކެވެ.
