ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއުގެ އަމިއްލަ ކުންފުންޏެއް ކަމަށްވާ ”އޮފިޝަލް އިވެންޓްސް“ ގެ މުދާ ދައުލަތުގެ މީޑިއާ، ޕީއެސްއެމްގެ އިމާރާތްތަކުގައި ގުދަންކުރާ ކަމަށް ބުނެ ”އަދަދު“ ނޫހުން ފަތުރާފައިވާ ޚަބަރަކީ އެއްވެސް ޙަޤީޤަތެއް ނެތް ދޮގު މަޢުލޫމާތެއް ކަމަށް ވިދާޅުވެ، އެކަން އޭނާ ވަރަށް ބޮޑަށް ދޮގުކުރައްވައިފިއެވެ.
”އަދަދު“ ނޫހުން ރިޕޯޓްކޮށްފައިވާ ގޮތުގައި، ޝުޖާއުގެ ކުންފުނީގެ ގިނަ އަދަދެއްގެ މުދާ ޓީވީ މޯލްޑިވްސް އާއި ދިވެހިރާއްޖޭގެ އަޑުގެ އިމާރާތުގައި ގުދަންކޮށްފައި ހުރި ކަމުގެ ފޮޓޯތަކެއް އެ ނޫހަށް ވަނީ ލިބިފައެވެ. އަދި އެއީ ޝުޖާއުގެ ކުންފުނީގެ މުދާކަން ކަށަވަރުވާ ކަމަށާއި، އެ ތަކެތި އެތަނުގައި ހުންނަތާ އަހަރެއްހާ ދުވަސް ވެދާނެ ކަމަށް ޕީއެސްއެމްގެ މުވައްޒަފަކާ ހަވާލާދީ އެ ނޫހުން ބުނެފައިވެއެވެ.
މިކަމާ ގުޅިގެން ޝުޖާއު ވިދާޅުވީ، އެ ނޫހުން ފެތުރި ޚަބަރަކީ ކަނޑައެޅިގެން ހަޤީޤަތާ ޚިލާފު ވާހަކައެއް ކަމަށެވެ. އަދި އެ ޚަބަރު ޝާއިޢުކުރުމުގެ ކުރިން މަޢުލޫމާތު ސާފުކުރުމަށް އެ ނޫހުން އޭނާއަށް ގުޅުމުން ވެސް، އެއީ ދޮގު ވާހަކައެއްކަން ސާފުކޮށްދީ، އިތުރަށް މަޢުލޫމާތު ސާފުކުރުމަށް އެދިފައިވާނެ ކަމަށް ޝުޖާއު ފާހަގަކުރެއްވިއެވެ.
”ލިބިވަޑައިގެން ތިއުޅުއްވާ ފޮޓޯ އަކީ ޕީއެސްއެމްގެ ނިމިދިޔަ ޤުރުއާން މުބާރާތާއި މަދަހަ މުބާރާތުގެ އިވެންޓަށް ގެންދެވިފައިވާ ސާމާނު. އެއީ ވެސް މި ކުންފުނީގެ ސީއެސްއާރްގެ ދަށުން ކުރެވިފައިވާ މަސައްކަތެއް،“ ޝުޖާއު ވިދާޅުވިއެވެ.
ޝުޖާއު އިތުރަށް ތަފްސީލު ދެއްވަމުން ވިދާޅުވީ، އޮފިޝަލް އިވެންޓްސްގެ ޑިރެކްޓަރ އަޙްމަދު އަދުހަމަކީ ޕީއެސްއެމްގެ ބޯޑު ޑިރެކްޓަރެއް ކަމަށާއި، އެހެންކަމުން ޕީއެސްއެމްގެ ތަފާތު އިވެންޓްތައް އޮފިޝަލް އިވެންޓްސްގެ ސީއެސްއާރް (CSR) ގެ ދަށުން ހިލޭ ސާބަހަށް ހަދައިދެމުން ގެންދާ ކަމަށެވެ.
މިއީ ހަޤީގަތާ ހިލާފު ވާހަކައެއް.މިޚަބަރަށް މަޢުލޫމާތު ސާފުކުރުމަށް އަޅުގަނޑަށް ގުޅީމަވެސް ދެންނެވިން ތީދޮގެއް ކަމަށް.އިތުރަށް މަޢުލޫމާތު ސާފުކުރުމަށްވެސް ދެންނެވިން.
އޮފިޝަލް އިވެންޓްސްގެ ޑިރެކްޓަރ އަހްމަދު އަދުހަމަކީ PSM ގެ ބޯޑް ޑިރެކްޓަރެއް ކަމުން PSM ގެ ތަފާތު އިވެންޓްތައް… https://t.co/rUqZRzS5NQ— Ibrahim Shujau (@IbrahimShujaau) May 7, 2026
އޭނާ ބަޔާންކުރެއްވި ގޮތުގައި އޮފިޝަލް އިވެންޓްސްގެ މުދާ ރައްކާކުރާނެ އަމިއްލަ ގުދަންތައް ހުންނާނެ ކަމަށާއި، ކުންފުނީގެ މުދާ ރައްކާކުރާނީ އަބަދުވެސް އެ ގުދަންތަކުގައެވެ. ތެދު މަޢުލޫމާތު ދިނުމުން ވެސް ”އަދަދު“ ނޫހުން އެ ޚަބަރު ނުބައިކޮށް ގެނެސްދީފައިވާތީ ޝުޖާއު ވަނީ އެކަމާ ހިތްހަމަނުޖެހުން ފާޅުކުރައްވާފައެވެ.
ޝުޖާއު އަދަދު ނޫހަކީ އަބަދުވެސް ދޮގުހަދާ މީޑިއާއެއް އެކަންމިހާރު އެއްމެންނަށްވެސް އެގޭނެ