އައްޑޫ ސިޓީގައި ވިޔަފާރިވެރިންނަށް ހާއްސަ ފޯރަމެއް ބާއްވަން ނިންމައިފިއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި އިިކޮނޮމިކް މިނިސްޓަރު މުހައްމަދު ސައީދު ވިދާޅުވީ، 2027 އިން 2029 އަށް އައްޑޫ އަތޮޅުގައި ވިޔަފާރިކުރާ ފަރާތްތަކަށް ހާއްސަ ލުއިތަކެއް ދީގެން ވިޔަފާރިތައް ކުރިއެރުވުމަކީ ސަރުކާރުގެ މުހިންމު އަމާޒެއް ކަމަށެވެ.
މިނިސްޓަރު ވިދާޅުވީ، އެ އަމާޒަށް ވާސިލްވުމަށް މި މަހުގެ 13 އަދި 14 ގައި ވިޔަފާރި ފޯރަމެއް ބޭއްވުމަށް ހަމަޖެހިފައިވާ ކަމަށާއި އެ ފޯރަމްގައި އައްޑޫގެ ވިޔަފާރިވެރިންނާއި ފަތުރުވެރިކަމުގެ ސިނާއަތުގައި ހަރަކާތްތެރިވާ ފަރާތްތަކަށް ބައިވެރިވެވޭނެ ކަމަށެވެ.
މިނިސްޓަރު ވިދާޅުވީ، އެ ފޯރަމްގައި ވިޔަފާރިވެރިންނަށް ހުރި ފުރުސަތުތަކާއި ހުރި ލުއިތަކުގެ މައުލޫމާތު އިންވެސްޓަރުންނަށް ފޯރުކޮށްދޭނެ ކަމަށެވެ.
މިނިސްޓަރު ވިދާޅުވީ، އައްޑޫ ސިޓީގެ ހިތަދޫ ވިޔަފާރި ބަނދަރުގައި ”ފްރީ ޒޯން“ ގެ ހަރަކާތްތަކެއް ފެށުމަށް މޯލްޑިވްސް ޕޯޓްސް ލިމިޓެޑް، އެމްޕީއެލުން ޕައިލެޓް ޕްރޮޖެކްޓެއްގެ މަސައްކަތް ކުރަމުން އަންނަ ކަމަށެވެ.
އައްޑޫ ސިޓީ ކުދި އަދި މެދުފަންތީގެ ވިޔަފާރި ހަބެއްގެ ގޮތުގައި ތަރައްގީކުރައްވާނެ ކަމަށް ރައީސް ޑރ. މުހައްމަދު މުއިއްޒު ވަނީ ރިޔާސީ ބަޔާނުގައި ވިދާޅުވެފައެވެ.
