ބުދަ ދުވަހު ލަންޑަނުގައި ދެ ޔަހޫދީއަކަށް ވަޅިން ހަމަލާދިން ހާދިސާއާ ގުޅިގެން، ފަލަޞްޠީނަށް ތާއީދުކޮށް ބާއްވާ ހިނގާލުންތަކުގެ ސަބަބުން ޔަހޫދީ މުޖުތަމައުއަށް ކުރާ ”ޖުމްލަ އަސަރަށް“ ބަލައި، ބައެއް ހާލަތްތަކުގައި އެފަދަ މުޒާހަރާތައް ސަރުކާރުން މަނާކޮށްފާނެ ކަމަށް އިނގެރޭސިވިލާތުގެ ބޮޑުވަޒީރު ކީރް ސްޓާމަރ ބުނެފިއެވެ.
ބީބީސީއަށް ދީފައިވާ އިންޓަވިއުއެއްގައި، ރާއްޖޭގެ ނޫސްވެރިކަމުގެ މިނިވަންކަމަށް މީގެ ދުވަސްތަކެއް ކުރިން ފާޑުކިޔާފައިވާ އިންގެރޭސިވިލާތުގެ ބޮޑުވަޒީރު ސްޓާމަރ ބުނީ، ހިޔާލުފާޅުކުރުމުގެ މިނިވަންކަމާއި ސުލްހަވެރި މުޒާހަރާތަކުގެ ދިފާއުގައި އޭނާ އަބަދުވެސް ހުރި ކަމަށެވެ. ނަމަވެސް، މުޒާހަރާތަކުގެ ތެރޭގައި ”ގްލޯބަލައިޒް ދަ އިންތިފާޟާ“ ފަދަ ގޮވުންތައް ގޮވުމަކީ ”އެއްގޮތަކަށްވެސް ބަލައިގަނެވޭނެ ކަމެއް ނޫން“ ކަމަށާއި، އެފަދަ އަޑުތައް އުފުލާ މީހުންނަށް ދައުވާކުރަންޖެހޭނެ ކަމަށް އޭނާ ބުންޔެވެ.
ބޭރުގެ ބައެއް ގައުމުތަކުން އިނގިރޭސިވިލާތުގައި ހަމަނުޖެހުން އުފެއްދުމަށް، ހާއްސަކޮށް ޔަހޫދީ މުޖުތަމައުއާ ދެކޮޅަށް މަސައްކަތްކުރާ ކަމުގެ ސަލާމަތީ ކަންބޮޑުވުންތަކާ ގުޅިގެން، ބުރާސްފަތި ދުވަހު އިނގިރޭސިވިލާތުން ވަނީ އެ ގައުމުގެ ޓެރަރިޒަމްގެ ނުރައްކަލުގެ ދަރަޖަ ”ސިވިއަރ“ ނުވަތަ ނުރައްކާތެރި މިންވަރަކަށް މަތިކޮށްފައެވެ.
