ޓީޓީތަކަށް ބޭރު ފައިސާ ދެން ބޭރު ފައިސާ ވިއްކާނީ ބޭންކް ހުޅުވިފައި ހުންނަ ގަޑީގައި ކަމަށް ބީއެމްއެލުން ބުނެފިއެވެ.
ބީއެމްއެލްގައި މިއަދު ބޭއްވި ނޫސްވެރިންގެ ބައްދަލުވުމުގައި އެ ބޭންކުގެ ސީއީއޯ އިބްރާހިމް ޝަރީފް ވިދާޅުވީ، އެގޮތަށް ނިންމި ނަމަވެސް ބޭރު ފައިސާ އެ ޓީޓއަކަށް ހަމަޔަށް ހުރެގެން ފޮނުވާ ޓީޓީތައް ބަންދު ދުވަސްތައް ވެސް ހިމަނައިގެން ހުރިހާގަޑިއެއްގައި ފޮނުވޭނެ ކަމަށެވެ.
ބީއެމްއެލްއިން ޓީޓީތަކަށް ދެއްކި ޑޮލަރުގެ ތަފާސްހިސާބުތަކަށް ބަލާއިރު މިދިޔަ މަހުގެ ނިޔަލަށް 40،944 ޓީޓީއަކަށް 136 މިލިޔަން ޑޮލަރު ވަނީ ވިއްކާފައެވެ.
– ޖަނަވަރީ: 10838 ޓީޓީ/ 35 މިލިޔަން ޑޮލަރު
– ފެބްރުވަރީ: 10551 ޓީޓީ/ 34 މިލިޔަން ޑޮލަރު
– މާރިޗު: 10600 ޓީޓީ/37 މިލިޔަން ޑޮލަރު
– އެޕްރީލް: 8955 ޓީޓީ/ 30 މިލިޔަން ޑޮލަރު
މިއަހަރުގެ އެޕްރީލް މަހުގެ ނިޔަލަށް ޑެބިޓް ކާޑާއި ކްރެޑިޓް ކާޑުތަކަށް ވަނީ 160 މިލިޔަން ޑޮލަރު ވިއްކާފައެވެ. އެއީ މަހަކަށް އެވްރެޖްކޮށް 40 މިލިޔަން ޑޮލަރެވެ.
