ޗައިނާގެ ސަންޔާގައި ކުރިއަށްދާ 6 ވަނަ އޭޝިއަން ބީޗް ގޭމްސްގައި މިއަދު ރާއްޖޭގެ ފިރިހެން ހޭންޑްބޯޅަ ޓީމުން ކުޅުނު މެޗުގައި މޮންގޯލިއާ ބަލިކޮށްފިއެވެ.
ބީޗް ހޭންޑްބޯޅަ ފިރިހެން އިވެންޓުގައި ރާއްޖެ ހިމެނެނީ ގްރޫޕް ބީގައއި އޮމާން، ޕާކިސްތާން، ޖޯޑަން، ބަންގްލަދޭޝް، ތައިލެންޑް، ގަތަރު އަދި މޮންގޯލިއާއާ އެކުގައެވެ.
ރާއްޖޭން ކުޅުނު ފުރަތަމަ މެޗުގައި ބަންގްލަދޭޝް ކައިރިން ޕެނަލްޓީގައި މޮޅުވިއިރު ދެވަނަ މެޗު ވަރުގަދަ ޖޯޑަން އަތުން ވަނީ ދެ ސެޓުން ބަލިވެފައެވެ.
މިއަދު މޮންގޯލިއާއާ ދެކޮޅަށް ކުޅުނު މެޗުގައި ރާއްޖެއިން ކާމިޔާބުކުރީވެސް ޕެނަލްޓީ ޖަހައިގެންނެވެ.
މި މެޗުގައި ރާއްޖޭގެ ޓީމުން މޮޅު ކުޅުމެއް ކުޅެފައިވާއިރު ރާއްޖޭގެ ޝިރާން އަބްދުﷲ ވަނީ ދިހަ ގޯލު ޖަހައިފައެވެ
