2027 ވަނަ އަހަރުގެ ޖެނުއަރީ 1 ވަނަ ދުވަހުގެ ކުރިން 18 އަހަރު ނުފުރޭ ހުރިހާ ކުދިންނަށް ސިނގެރޭޓާއި ދުންފަތުގެ އާލާތްތައް މަނާކުރާ ޤާނޫނެއް އިނގެރޭސިވިލާތުގެ ޤާނޫނު ހަދާ މަޖިލީހުން ފާސްކޮށްފިއެވެ. މިއާއެކު އިނގެރޭސިވިލާތުގެ ރަސްގެފާނު ޗާލްސް ތިންވަނަ އޭގައި ސޮއި ކުރުމާއިއެކު އެޤާނޫނަކަށް ބަދަލުވެ، 2008 ވަނަ އަހަރު އުފަންވާ އެއްވެސް ކުއްޖަކަށް ސިނގެރޭޓުގެ ބާވަތްތައް ބޭނުންކުރުމާއި ގަތުން މަނާވެގެން ދާނެއެވެ.
ބޭރުގެ ނޫސްތަކުން ފާހަގަކޮށްފައިވާ ގޮތުގައި “ޖެނެރޭޝަނަލް ސްމޯކިން ބޭން” އެއް ހަމައެކަނި ޤާއިމުކުރެވިފައި ވަނީ ރައީސް މުއިއްޒުގެ ވެރިކަމުގައި ދިވެހި ރާއްޖޭގައި އެކަންޏެވެ. މިފަދަ ބޭން އެއް ކުރި ފުރަތަމަ ޤައުމު ކަމަށްވާ ނިއުޒިލޭންޑުން ވަނީ ވެރިކަން ބަދަލުވުމާއިއެކު 2023 ވަނަ އަހަރު ބޭން އުވާލާފައެވެ.
