މޯލްޑިވްސް ޕޯޓްސް ލިމިޓެޑް، އެމްޕީއެލްގެ މެނޭޖިން ޑިރެކްޓަރު އަދި ޗީޕް އޮޕަރޭޝަން އޮފިސަރަކަށް ކެޕްޓަން ހުސެއިން ޝަފީގު މިއަދު އައްޔަންކޮށްފި އެވެ.
ޕީސީބީން މިއަދު ކުރި ޕޯސްޓެއްގައި ބުނީ، އެމްޕީއެލްގެ ބޯޑު މެމްބަރު ކަމަށާއި ސީއީއޯ އަދި މެނޭޖިން ޑިރެކްޓަރު ކަމަށް ދަފްތަރު ނަންބަރު ރސ 2861، ޝަފީގު މިއަދު އައްޔަންކޮށްފައިވާ ކަމަށެވެ.
ކެޕްޓަން ޝަފީގަކީ ތަޖުރިބާކާރު މާސްޓާ މެރިނަރެކެވެ. އޭނާއަކީ ކަނޑުދަތުރުފަތުރާ ގުޅޭ ކަންކަމުގައި 35 އަހަރަށް ވުރެ ގިނަ ދުވަހު މަސައްކަތް ކުރައްވާފައިވާ ބޭފުޅެކެވެ.
އޭނާ ވަނީ މާސްޓާ މެރިނާ ސެޓްފިކެޓް އޮފް ކޮމްޕީޓެންސީ (އަންލިމިޓެޑް) އަދި އެޑްވާންސްޑް ޑިޕްލޮމާ އިން މެރިޓައިމް ސައިންސް ހާސިލްކުރައްވައިފަ އެވެ.
އެމްޕީއެލްގެ އެމްޑީއަކަށް ޝަފީގު އައްޔަންކުރެއްވީ އެ މަގާމުގައި ކުރިން ހުންނެވި މުހައްމަދު ރިޝްވާން މި މަހުގެ ހަ ވަނަ ދުވަހު އިސްތިއުފާ ދެއްވުމުންނެވެ.
