ރައްޔިތުންގެ މަޖިލީހުގެ އެންމެ ބާރުގަދަ ދެ ކޮމިޓީ ކަމަށްވާ ސަލާމަތީ ހިދުމަތްތަކުގެ ކޮމިޓީ (241 ކޮމިޓީ) އާއި މާލިއްޔަތު ކޮމިޓީން، ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ ޕީއެންސީ މެންބަރު އަހުމަދު ނާޒިމު ވަކިކޮށްފި އެވެ.
ސަލާމަތީ ބާރުތަކާ ގުޅޭ ކަންތައްތަކާއި ގައުމީ ސަލާމަތާ ގުޅުން ހުރި ކަންކަން ބަލާ ކޮމިޓީއަކީ ރައްޔިތުންގެ މަޖިލީހަށާއި ސަރުކާރަަށް ލަފާދިނުމާއި އެންގުންތައް އެންގުމުގެ ބާރު އޮންނަ ކޮމިޓީ އެކެވެ.
މާލިއްޔަތު ކޮމިޓީއަކީ ދައުލަތުގެ މާލިއްޔަތާ ގުޅޭ ހުރިހާ ކަމެއް ބަލައި، ދޭންޖެހޭ ލަފާތައް ދިނުމާއި އެންގުންތައް އެންގުމުގެ ބާރު އޮންނަ ކޮމިޓީ އެކެވެ.
އެނގިފައިވާ ގޮތުގައި ނާޒިމް އެ ކޮމިޓީތަކުން ވަކިކުރި ސަބަބެއް އަދި އޭނާއަށް އަންގާފައެއް ނުވެއެވެ.
ނާޒިމް ދެ ކޮމިޓީން ވަކިކޮށްފައިވާއިރު، އޭނާ މަޖިލީހުގެ ނައިބު ރައީސްކަމުން ވަކިކުރުމުގެ މަސައްކަތްތަކެއް ސަރުކާރު ހިންގާ ޕީއެންސީގެ ތެރެއިން ކުރަމުން އަންނަކަމުގެ އަޑުތަކެއްވެސް ވަނީ ފެތުރިފައެވެ. ނަމަވެސް އެކަމުގެ ސައްހަކަންވެސް އަދި ކަށަވަރުކުރެވިފައެއް ނުވެއެވެ.
