އެސްޓީއޯގެ ކުރީގެ އެމްޑީ ހުސެއިން އަމްރު، ދަ ޑިމޮކްރެޓްސްގެ ޓިކެޓުގައި 20 ވަނަ ރައްޔިތުންގެ މަޖިލީހަށް ވާދަކުރައްވަން ނިންމަވައި އެކަން އިއުލާން ކުރައްވައިފިއެވެ.
އެކްސްގައި ކުރެއްވި ޕޯސްޓެއްގައި އަމްރު ވިދާޅުވީ އޭނާ ވާދަކުރައްވަނީ މައްޗަންގޮޅި އުތުރު ދާއިރާއަށް ކަމަށެވެ.
މަޖިލިހަށް ކުރިމަތިލާން ނިންމީ ދާއިރާގެ ހައްގުގައި ވަކާލާތު ކުރުމަށާއި ގައުމީ އެތައް މައްސަލަތަކަކަށް ހައްލު ހޯދުމަށްވެސް މަސައްކަތް ކުރުމަށް އޮތް އެންމެ ފަހިމަގަކީ މަޖިލިސް ކަމަށްވާތީ ކަމަށް އަމްރު ވިދާޅުވިއެވެ.
ރައްޔިތުންގެ މަޖިލިހުގެ މައްޗަންގޮޅި އުތުރު ދާއިރާއަށް ކުރިމަތިލާން އަޅުގަޑު ނިންމައިފިން. މަޖިލިހަށް ކުރިމަތިލާން އަޅުގަޑު ނިންމީ ދާއިރާގެ ހައްޤުގަ ވަކާލާތު ކުރުމަށާ ޤައުމީ އެތައް މައްސަލަތަކަކަށް ހައްލު ހޯދުމަށްވެސް މަސައްކަތް ކުރުމަށް އޮތް އެންމެ ފަހިމަގަކީ މަޖިލިސް ކަމަށްވާތީ pic.twitter.com/IHLu0D2VpF
— Amr 🎈 (@HusenAmr) January 31, 2024
މަޖިލިސް އިންތިހާބު ގައި 41 ދާއިރާއަކަށް ކެންޑިޑޭޓުން ނެރެން ދަ ޑިމޮކްރެޓްސް އިން ނިންމާފައިވާއިރު އެ ޕާޓީގެ ޓިކެޓަށް ހުޅުވާލުމުން 41 ދާއިރާ އަކަށް 46 ކެންޑިޑޭޓުން ކުރިމަތިލާފައިވެއެވެ. އަމްރު އަކީ ޕްރައިމަރީ އެއް ނެތި ޕާޓީގެ ޓިކެޓް ލިބިވަޑައިގެންނެވި ބޭފުޅެކެވެ.
މަޖިލިސް އިންތިހާބު ބޭއްވުމަށް ހަމަ ޖެހިފައިވަނީ މާރޗް މަހުގެ 7 ވަނަ ދުވަހުއެވެ.
