ހުޅުމާލެ މަގުތައް ޒަމާނީ ފެންވަރަށް ތަރައްގީކުރުމުގެ މަސައްކަތް ހަލުވި ދުވެލީގައި ކުރިއަށްދާކަމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނެފިއެވެ.
ހުޅުމާލޭގެ މަގުތައް ތަރައްގީކުރުމާ ބެހޭ ގޮތުން އެޗްޑީސީން ބުނެފައިވަނީ، ހުޅުމާލޭގެ މަގުތައް ހެދުމާއި ހަލާކުވެފައި ހުރި މަގުތައް މަރާމާތުކުރުމުގެ މަސައްކަތުގެ ދަށުން މިހާރު ކުރިއަށްދަނީ ލިލީ މަގުގައި ތާރު އެޅުމުގެ މަސައްކަތް ކަމަށެވެ.
ހުޅުމާލޭގައި މަގު ހެދުމާއި ގެއްލުން ލިބިފައި ހުރި މަގުތައް މަރާމާތުކުރުމުގެ މަސައްކަތް އެޗްޑީސީން ކުރަމުންދާއިރު، ލިލީ މަގުގައި ތާރު އެޅުމުގެ މަސައްކަތް އެޗްޑީސީން މިހާރުދަނީ ކުރަމުން. #WithHDC#SeatoSilverShores#HDC25 pic.twitter.com/zSuqof38Nm
— Housing Development Corporation (@hdcmaldives) April 13, 2026
ފާހަގަކޮށްލެވޭ ގޮތުގައި އެޗްޑީސީން އަންނަނީ ހުޅުމާލޭގައި ދިރިއުޅޭ ރައްޔިތުންނާއި ހުޅުމާލެއަށް ޒިޔާރަތްކުރާ ފަރާތްތަކަށް ހިތަހަމަޖެހޭ މާހައުލެއް ގާއިމުކުރުމަށް ވަރަށް ގިނަ މަސައްކަތްތަކެއް ކުރަމުންނެވެ. އެގޮތުން ހުޅުމާލޭގެ މަގުތައް ޒަމާނީ ފެންވަރަކަށް ތަރައްގީކުރުމާއި، ހުޅުމާލޭގެ އެކި ސަރަހައްދުތަކުގައި ޕާކުތަކާއި ހިތްފަސޭހަ މައިޒާންތައް ތަރައްގީކުރުމުގެ އިތުރުން ކުޅިވަރު ކުޅޭނެ ތަންތަން އަންނަނީ ތަރައްގީކުރަމުންނެވެ.
މީގެ އިތުރުން ޕޭވްމަންޓްތައް މަރާމާތުކުރުމާއި، ގަވާއިދާ ހިލާފަށް އުޅަނދުތައް ޕާކުކުރުން ހުއްޓުވުމަށްޓަކައި ޕޭވްމަންޓްތަކުގައި ބޮލާޑް ހަރުކުރުމުގެ މަސައްކަތާއި، ޕާކިންގ ޒޯންތައް ތަރައްގީކުރުމުގެ އިތުރުން މަގުމަތި ބޭނުންކުރާ ފަރާތްތަކަށް މަގުމަތީގެ ނިޝާންތައް ސާފުކޮށް ފެންނާނެހެން ސްޕީޑް ބްރޭކަރުތަކުގެ ކުލަ އާ ކުރުމުގެ މަސައްކަތް ވެސް އެޗްޑީސީން އަންނަނީ ކުރަމުންނެވެ.
