ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގަތުމަށްފަހު، ސަރުކާރުގެ ސިޔާސަތުތައް ހަރުދަނާ ކުރުމަށާއި ރައްޔިތުންނަށް ފަސޭހަކޮށްދިނުމުގެ ގޮތުން އަލަށް އުފެއްދެވި ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓްރީ އުވާލައިފިއެވެ.
ސިޓީސް މިނިސްޓްރީ އުވާލާފައިމިވަނީ ކެބިނެޓްގައި ހިމެނޭ 20 މިނިސްޓަރުންގެ ތެރެއިން 10 މިނިސްޓަރަކު މަގާމުން އިސްތިއުފާ ދެއްވުމާ ގުޅިގެންނެވެ. އެއާއިއެކު މިނިސްޓްރީތަކުގެ އަދަދު 15 އަށް މަދުކޮށް ބައެއް މިނިސްޓްރީތައް ވަނީ އެއްކޮށްލައްވައިފައެވެ. ސިޓީސް މިނިސްޓްރީ އުވާލުމަށްފަހު އެ މިނިސްޓްރީގެ ހުރިހާ މަސައްކަތެއް މިހާރު ވަނީ ހައުސިންގ މިނިސްޓްރީގެ ދަށަށް ބަދަލުކޮށްފައެވެ.
ސިޓީސް މިނިސްޓްރީ ވުޖޫދަށް ނާންނައިރު ވެސް އެ ހުރިހާ މަސައްކަތެއް ބެލެހެއްޓީ ހައުސިންގ މިނިސްޓްރީގެ ދަށުންނެވެ.
އެހެންކަމުން ކުރިއެކޭ އެއްގޮތަށް ސިޓީތަކާއި ކައުންސިލްތަކުގެ ހުރިހާ މަސައްކަތެއް ކުރިއަށްދާނީ ލޯކަލް ގަވަމަންޓް އޮތޯރިޓީ (އެލްޖީއޭ) ގެ ބެލުމުގެ ދަށުންނެވެ.
