ސޫރިޔާ ސަރުކާރުން ވަނީ އެޤައުމުގެ ކުރީގެ އަނިޔާވެރި ރައީސް ބައްޝާރުލް އަސަދުގެ އަސްކަރިއްޔާގެ މޭޖާރ ޖެނެރަލެއް ހައްޔަރުކޮށްފައިވާ ކަމަށް އިޢުލާނުކޮށްފައެވެ.
ދިމިޝްޤުގެ އިންޓަނޭޝަނަލް އެއާޕޯޓުން ހަރަކާތްތެރިވި 29 ވަނަ އެއަރ ޓްރާންސްޕޯޓު ބެރިގޭޑުގެ ކޮމާންޑަރެއްގެ ގޮތުގައި މަސައްކަތްކުރި މިމީހާގެ މައި ޒިންމާ އަކީ އަނިޔާވެރި ބައްޝާރުގެ ސިފައިންގެ ހަތިޔާރުތަކާއި، ސިފައިން ހަނގުރާމަ ހިނގަމުންދާ ސަރަހައްދުތަކަށް އުފުލުމެވެ.
ސޫރިޔާގެ އައު ސަރުކާރުން ދަނީ މިފަދަ މީހުން ހިފައި ހައްޔަރުކޮށް، ކޯޓުތައް މެދުވެރިކޮށް އަދަބު ދިނުމަށް މަސައްކަތްތަކެއް ކުރަމުންކަން ފާހަގަކޮށްލެވެއެވެ.
