ރައީސުލްޖުމްހޫރިއްޔާގެ ވަޒީރުންގެ މަޖްލީހަށް ބޮޑެތި ބަދަލުތަކާއެކު އަލުން ވަޒީރުން އައްޔަނުކުރައްވައިފިއެވެ.
އެގޮތުން މިހާތަނަށް 12 ވަޒީރަކަށް ވަނީ މަޤާމުގެ ފަތްކޮޅު އަރުވާފައެވެ. އޭގެ ތެރޭގައި މުޅިން އަލަށް މިސަރުކާރުގެ ކެބިނެޓަށް އައްޔަންކުރެއްވި ބޭފުޅުން ހިމެނިވަޑައިގަންނަވައެވެ.
މިރޭ ރައީސް އައްޔަން ކުރެއްވި ވަޒީރުންނަކީ:
1- މިނިސްޓަރ އޮފް ފިނޭންސް އެންޑް ޕަބްލިކް އެންޓަރ ޕްރައިސަސް މަޤާމަށް- މޫސާ ޒަމީރު
2- މިނިސްޓަރ އޮފް ހޯމްލޭންޑް އެންޑް ސެކިޔުރިޓީ ލޭބަރ އެންޑް ޓެކްނޮލޮޖީ- ޢަލީ އިޙުސާން
3- މިނިސްޓަރ އޮފް ފޮރިން އެފެއަރޒް މަޤާމަށް- އިރުތިޝާމް އާދަމް
4- މިނިސްޓަރ އޮފް އެޑިޔުކޭޝަން، ހަޔަރ އެޑިޔުކޭޝަންސް އެންޑް ސްކިލްސް ޑިވެލޮޕްމަންޓްގެ މަޤާމަށް- ޑރ އިސްމާއިލް ޝަފީއު
5- މިނިސްޓަރ އޮފް ހެލްތް ފެމިލީ އެންޑް ވެލްފެއަރ މަޤާމަށް- ޤީލާ ޢަލީ
6- މިނިސްޓަރ އޮފް އިކޮނޮމިކް ޑިވެލޮޕްމެންޓް ޓްރާންސްޕޯޓް އެންޑް ޓްރޭޑް މަޤާމަށް- މުޙައްމަދު ސަޢީދު
7- މިނިސްޓަރ އޮފް އިސްލާމިކް އެފެއާޒް އެންޑޯމަންޓްސް- ޑރ. މުޙައްމަދު ޝަހީމް ޢަލީ ސަޢީދު
8- މިނިސްޓަރ އޮފް ޓޫރިޒަމް އެންޑް ސިވިލް އޭވިއޭޝަން މަޤާމަށް- މުޙައްމަދު ޢަމީން
9- މިނިސްޓަރ އޮފް ޔޫތު އެމްޕަވަރމެންޓް ސްޕޯޓްސް އެންޑް ފިޓްނެސް މަޤާމަށް- އަބްދުﷲ ރާފިއު
10- މިނިސްޓަރ އޮފް އާރޓސް ކަލްޗަރ އެންޑް ހެރިޓޭޖްގެ މަޤާމަށް- ހީނާ ވަލީދު
11- މިނިސްޓަރ އޮފް އިންފްރާސްޓްރަކްޗަރ ހައުސިންގ އެންޑް އާރބަން ޑިވެލޮޕްމެންޓް- ޑރ. އަބްދުﷲ މުއްޠަލިބް
12- މިނިސްޓަރ އޮފް ކްލައިމެޓް ޗޭންޖް އެންޑް އެންވަރމަންޓް މަޤާމަށް- ޢަލީ ޝަރީފް
އައު ވަޒީރުން މަޤާމުގެ ހުވާކުރުމުގެ ރަސްމިއްޔާތު މިރޭ ވަނީ ރައީސުލްޖުމްހޫރިއްޔާގެ އޮފީހުގައި ބާއްވާފައެވެ. މި ރަސްމިއްޔާތުގައި ވަޒީރުންގެ މަޤާމަށް އައްޔަނުކުރެއްވި ބޭފުޅުންނަށް ހުވާލައިދެއްވީ ދިވެހިރާއްޖޭގެ އުއްތަމަ ފަނޑިޔާރު އަލްއުސްތާޛު ޢަބްދުލްޣަނީ މުޙައްމަދުއެވެ. އަދި ވަޒީރުކަމުގެ ފަތްކޮޅު ހަވާލުކުރެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.
މި ރަސްމިއްޔާތުގައި ކުރިން މަޤާމުތަކުގައި ތިއްބެވި ބައެއް ވަޒީރުން އެހެން ވުޒާރާތަކަށް ބަދަލުކޮށް، އަލަށް ބައެއް ބޭފުޅުން ވަޒީރުކަމުގެ މަޤާމަށް އައްޔަނުކޮށްފައިވެއެވެ.
ރައްޔިތުންގެ ވިންދާ އެއްގޮތަށް ސަރުކާރު ހިންގެވުމަށް ރައީސުލްޖުމްހޫރިއްޔާ ގެންނަވަން ބޭނުންފުޅުވާ ހެޔޮ ބަދަލުތަކަށް ފުރުޞަތު ދެއްވުމުގެގޮތުން، މިއަދު ވަނީ 10 ވަޒީރަކު އިސްތިއުފާ ދެއްވާފައެވެ. އެގޮތުން ކެބިނެޓްގެ 10 ވަޒީރަކު މިއަދު އިސްތިޢުފާ ހުށަހަޅުއްވާފައިވާތީ އެ ބޭފުޅުންގެ އިސްތިޢުފާ ރައީސުލްޖުމްހޫރިއްޔާ ވަނީ ޤަބޫލުފުޅުކުރައްވާފައި ކަމަށް ރައީސް އޮފީހުން ހާމަކުރިއެވެ.
މިއަދު އިސްތިޢުފާދެއްވި 10 ވަޒީރުން މި ވޭތުވެދިޔަ މުއްދަތުގައި ކޮށްދެއްވި ޚިދުމަތުގެ އަގު ވަޒަންކުރައްވައި ރައީސުލްޖުމްހޫރިއްޔާ ވަނީ އެބޭފުޅުންނަށް ޝުކުރު އަދާކުރައްވާފައެވެ.
މިރޭ އަލުން ކެބިނެޓް އެކުލަވާލިއިރު، ބައެއް ބަދަލުތައް ވަނީ ގެނެސްފައެވެ. އެގޮތުން ޔޫތު މިނިސްޓްރީ އަދި ސްޕޯޓްސް މިނިސްޓްރީ ވަނީ އެއް ވުޒާރާއަކަށް ބަދަލު ކުރައްވާފައެވެ. އަދި މިނިސްޓްރީ އޮފް އިސްލާމިކް އެފެއާޒްގެ ނަން މިނިސްޓްރީ އޮފް އިސްލާމިކް އެފެއާޒް އެންޑް އެންޑޯމަންޓްސް ނަމަށް ވަނީ ބަދަލުކުރައްވާފައެވެ.
ތަފްސީލް އަންނަނީ…
