ރައްޔިތުންގެ މަޖިލީހުގެ އައްޑޫ ސިޓީ ހިތަދޫ އުތުރު ދާއިރާގެ ގޮނޑި ހުސްވުމާ ގުޅިގެން، އެ ގޮނޑިއަށް ކުރިމަތިލުމަށް އައްޑޫ ސިޓީގެ ކުރީގެ މޭޔަރު ޢަބްދުﷲ ޞާދިޤު (ސޯބެ) ނިންމަވައިފިއެވެ.
ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ގޮނޑި ހުސްވެފައިމިވަނީ، އެ ދާއިރާގެ ކުރީގެ މެންބަރު، މުޙައްމަދު ސިނާނާއި އިތުރު ބަޔަކުވެގެން އިސްލާމިކް ބޭންކުން ނަގާފައިވާ ލޯނަކަށް އޭނާ ފައިސާ ދައްކާފައި ނުވުމުގެ ސަބަބުން ސުޕްރީމް ކޯޓުން ކޮށްފައިވާ ޙުކުމާ ގުޅިގެންނެވެ. ސުޕްރީމް ކޯޓުގެ މި ޙުކުމާއެކު ހިތަދޫ އުތުރު ދާއިރާގެ ގޮނޑިއަށް ގިނަ ބަޔަކު އަންނަނީ ޝައުގުވެރިކަން ފާޅުކުރަމުންނެވެ.
މި ގޮނޑިއަށް ކުރިމަތިލުމަށް ސޯބެ ނިންމަވާފައިވާއިރު އޭނާއަކީ އައްޑޫ ސިޓީގެ މޭޔަރުކަން ތިން ދައުރެއްގައި ފުރިހަމަކުރައްވާފައިވާ ބޭފުޅެކެވެ.
މި ގޮނޑިއަށް ވާދަކުރުމަށް އިތުރު އެއްވެސް ބޭފުޅަކު އަދި ޝައުގުވެރިކަން ފާޅުކޮށްފައެއް ނުވެއެވެ.
