ޕާކިސްތާނުގައި ދިޔަ އެމެރިކާ-އީރާނު ހަނގުރާމަ ހުއްޓާލުމުގެ މަޝްވަރާ ބައްދަލުވުންތައް ވަކިކޮޅެއްގައި ނުޖެހި ނިންމާލަން ޖެހިފައިވަނިކޮށް، އެމެރިކާގެ ނޭވީ އިން ހޮރްމޫޒް ކަނޑުއޮޅި ބަންދުކުރާނެކަމަށް އެމެރިކާގެ ރައީސް ޑޮނަލްޑު ޓްރަމްޕު ބުނެފިއެވެ.
“ހޮރްމޫޒް ކަނޑުއޮޅިން ވަދެނިކުމެ ހަދާ ހުރިހާ މަނަވަރަކަށް ހުރަސްއެޅުމުގެ ޕްރޮސެސް ދުނިޔޭގެ އެންމެ ފުރިހަމަ އެމެރިކާގެ ނޭވީން މިވަޤުތުން ފެށިގެން ފަށާނެ”، ޓްރަމްޕު އޭނަގެ ‘ޓުރުތު’ ސޯޝަލް މީޑިއާގައި ކޮށްފައިވާ ޕޯސްޓެއްގައި ބުނެފައިވެއެވެ.
ޕާކިސްތާނުގައި ކުރިއަށް ގެންގޮސްފައިވާ ބައްދަލުވުންތައް ނިންމާލުމަށް ފަހު، އެމެރިކާ އަދި އީރާނުންވެސް ދެފަރާތައް އިނގިލިދިއްކޮށް، އިލްޒާމު އަޅުވާފައިވާއިރު، ޓްރަމްޕުގެ ޕޯސްޓުގެ ސަބަބުން އިތުރަށް މަޝްރަހު ގޯސްވާނެކަމަށް ލަފާކުރެވެއެވެ.
ހަވަރަަކަށް ހަފްތާއަށް މިހާރުވެސް ދެމިގެންގޮސްފައިވާ އެމެރިކާ އަދި އީރާނުގެ ހަނގުރާމައިގެ ސަބަބުން ދުނިޔޭގެ އިޤްތިޞާދަށް ލޮޅުން އައިސް ތެޔޮގެ އަގު އުފުލިފައިވާއިރު، އިތުރަށް މި ހަނގުރާމަ ދެމިގެންގޮސްފާނެކަމަށް ބަލައި ތައްޔާރުވުމަށް މަޝްރަހު ދިރާސާކުރާ ފަރާތްތަކުން އިރުޝާދު ދެއެވެ.
