މާލެ ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ) ގެ މެނޭޖިންގ ޑިރެކްޓަރު ޢަބްދުލް މަތީން ކުއްލި ގޮތަކަށް މަޤާމުން އިސްތިޢުފާ ދެއްވައިފިއެވެ.
މަތީން މަޤާމުން އިސްތިޢުފާ ދެއްވައިފައިވާކަން ހާމަކުރެއްވީ އެކްސްގައި ޙިއްޞާކުރެއްވި ޕޯސްޓެއްގައެވެ. މަޤާމުން އިސްތިޢުފާ ދެއްވީ ކޮން ސަބަބަކާ ހުރެކަމެއް އަދި ކަށަވަރުވެފައެއް ނުވެއެވެ.
Dear All
With immediate effect, I have resigned from the post of Managing Director of @MWSC_Official.
Thank You— Abdul Matheen (@amathyn) April 12, 2026
އެމްޑަބްލިއުއެސްސީގެ މެނޭޖިންގ ޑިރެކްޓަރު ޢަބްދުލް މަތީން އިސްތިޢުފާ ދެއްވާފައިވާއިރު ފާހަގަކޮށްލަންޖެހޭ ކަމަކީ ސަރުކާރުގެ މަސް ކުންފުނި، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) ގެ ސީއީއޯގެ މަޤާމުން ފަރުހަތު ޝަހީރު ވެސް ވަނީ މިއަދު ކުއްލި ގޮތަކަށް އިސްތިޢުފާ ދެއްވައިފައެވެ.
ނިމިދިޔަ ލޯކަލްކައުންސިލް އިންތިޚާބަށްފަހު ސަރުކާރުގެ ހިންގުމަށް ބޮޑެތި ބަދަލުތަކެއް ދަނީ ގެންނަމުންނެވެ. އެގޮތުން، ފެނަކަ، އެގްރޯނެޓް، އެމްޕީއެލް، ފަދަ ކުންފުނިތަކުގެ ވެރިން ވަނީ މަޤާމުން ދުރުކޮށްފައެވެ.
