ސަރުކާރުގެ މަސް ކުންފުނި، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) ގެ ސީއީއޯ ފަރުހަތު ޝަހީރު ކުއްލި ގޮތަކަށް މަޤާމުން އިސްތިޢުފާ ދެއްވައިފިއެވެ.
މަޢުލޫމާތު ލިބިފައިވާ ގޮތުގައި ފަރުހަތު މަޤާމުން އިސްތިޢުފާ ދެއްވައިފައިވާއިރު، އެ ކުންފުނީގެ މުވައްޒަފުންނަށް ވެސް މިހާރު ވަނީ އެކަން އަންގަވައިފައެވެ. މަޤާމުން އިސްތިޢުފާ ދެއްވީ ކޮން ސަބަބަކާ ހުރެކަމެއް އަދި ކަށަވަރުވެފައެއް ނުވެއެވެ.
މިފްކޯގެ ސީއީއޯކަމަށް ފަރުހަތު ޢައްޔަންކުރެވުނީ އެ މަޤާމުގައި ކުރިން ހުންނެވި ޑރ. ވިޓަލީ ލިއުބިމޯވް މަޤާމުން ވަކިކުރެވުމާ ގުޅިގެންނެވެ. ފަރުހަތު މިފްކޯގެ ސީއީއޯކަމަށް ޢައްޔަންކުރެއްވީ މިދިޔަ 2025 ވަނަ އަހަރުގެ މާރިޗު މަހުގެ ތެރޭގައެވެ.
