މާލޭގައި ހުރި ރެސްޓޯރެންޓެއްގައި ގޭސް ފުޅިއެއް ގޮވައި ބަޔަަކަށް ސީރިއަސް އަނިޔާތަކެއް ލިބިއްޖެއެވެ.
އެމްއެންޑީއެފުން ވިދާޅުވީ މި ހާދިސާގައި 3 މީހުންނަށް އަނިޔާވެފައިވާ ކަމަށާއި އޭގެ ތެރޭގައި ހިމެނޭ އެ ރެސްޓޯރެންޓުގެ ސްރީ ލަންކާގެ ޝެފަކަށް ވަރަށް ބޮޑަށް އަނިޔާވެފައިވާ ކަމަށެވެ. އިތުރު ފަރުވާއަށް އޭނާ ހޮސްޕިޓަލަށް ގެންގޮސްފައިވާ ކަމަށް އެމްއެންޑީއެފުން ވިދާޅުވިއެވެ.
މި ހާދިސާ ހިނގަން މެދުވެރިވި ސަބަބެއް މިހާތަނަށް އެނގިފައިނުވެއެވެ.
މާލޭ ފަޔަރ ސްޓޭޝަނުން މިހާރު އަންނަނީ ހާދިސާ ހިނގި ސަރަހައްދުގައި ހަރަކާތްތެރިވަމުންނެވެ.
