ނިމިދިޔަ ކައުންސިލް އިންތިޚާބުގައި ލިބުނު ނާކާމިޔާބީއަކީ އެ މަސައްކަތުގެ ނިމުން ނޫންކަމާއި އެއީ އާ ހިތްވަރަކާއެކު މަސައްކަތް ކުރިއަށް ގެންދިއުމަށް ލިބުނު ފުރުޞަތެއް ކަމަށް ޕީއެންސީ ޓިކެޓުގައި މާލެސިޓީގެ އަންހެނުންގެ ތަރައްޤީއަށް މަސައްކަތްކުރާ (އ.ތ.މ) ކޮމިޓީގެ ރައީސާގެ މަގާމަށް ވާދަކުރެއްވި އަލައިކާ އަދުނާން ވިދާޅުވެއްޖެއެވެ.
އިއްޔެ ބޭއްވި އިންތިޚާބުގައި ގޮނޑި ކާމިޔާބު ނުވި ނަމަވެސް އެ ދަތުރުގައި ބޮޑު ކާމިޔާބީތަކެއް ލިބިފައިވާ ކަމަށް ފަރާތުން އަލައިކާ ވިދާޅުވިއެވެ. އަދި ކުރިއަށް އޮތް ތަނުގައިވެސް އިޚްލާޞްތެރިކަމާއެކު ޤައުމީ ޚިދުމަތުގައި ދެމިހުންނާނެ ކަމުގެ ޔަޤީންކަން އޭނާ ވަނީ ދެއްވާފައެވެ.
އިއްޔެ ބޭއްވި އިންތިޚާބުގައި މާލޭ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ރައީސާގެ ގޮނޑި ކާމިޔާބު ކުރީ އެމްޑީޕީގެ ކެންޑިޑޭޓް ޢާއިޝަތު ނަތީޖާ ގަބޫލުކުރައްވައި، އަލައިކާ އެކްސްގައި ކުރެއްވި ޕޯސްޓެއްގައި ވިދާޅުވީ، އިންތިޚާބުގެ ގޮނޑި ކާމިޔާބު ނުކުރެވުނު ނަމަވެސް މިއީވެސް ލިބުނު ކާމިޔާބީއެއްކަމަށް ޤަބޫލުކުރައްވާ ކަމަށެވެ. އެއީ މި ދަތުރުން އޭނާއަށް ލިބުނީ މާ މަތިވެރި އަދި ދެމިގެންދާނެ ކާމިޔާބީއެއް ކަމަށާއި، އެއީ ގިނަ ބައެއްގެ އިތުބާރާއި، ލޯތްބާއި، ޔަޤީންކަން ކަމަށާއި، މިއީ އޭނާ ނުހަނު އުފަލާއެކު ބަލައިގަންނަ ބޮޑު ކާމިޔާބީއެއް ކަމަށް އަލައިކާ ވިދާޅުވިއެވެ.
While I may not have secured the seat, I leave this journey with something far more profound and enduring, the trust, love, and confidence of so many people. This, in itself, is a victory of the highest order, one I carry with deep gratitude and humility. To me, it is a VICTORY… pic.twitter.com/uZVbIZ7W4u
— Ashiyath Alaika Adhnan (@AlaikaAyesh) April 4, 2026
އަލައިކާ ފާހަގަކުރެއްވި ގޮތުގައި އޭނާގެ މި ދަތުރަކީ ހަމައެކަނި މަޤާމެއް ހޯދުމަށް ކުރި މަސައްކަތެއް ނޫނެވެ. އެއީ ގިނަ އާއިލާތަކެއްގެ ޙައްޤުގައި، އަދި ހަމަހަމަ ފުރުޞަތުތަކާއި މާލީ މިނިވަންކަން ހޯދައިދިނުމަށް ކުރެވުނު އިޚްލާޞްތެރި މަސައްކަތެކެވެ. އިޤްތިޞާދީ ގޮތުން އަންހެނުން ބާރުވެރިކުރުވުމަކީ ހަމައެކަނި ލިބޭ އިނާޔަތެއް ނޫން ކަމަށާއި، އެއީ އެންމެންނަށް ލިބިގެންވާ ޙައްޤެއް ކަމަށްވެސް އޭނާ ވިދާޅުވިއެވެ.
ސިޔާސީ ދާއިރާގައި ކުރިމަތިވި ގޮންޖެހުންތައް ހިއްސާ ކުރައްވަމުން އަލައިކާ ވިދާޅުވީ، މި ދަތުރުގައި މާޔޫސްކަމާއި ބައެއް ފަރާތްތަކުގެ ކެހިވެރިކަން ކުރިމަތިވި ކަމަށެވެ. އަދި އޭނާގެ ނިޔަތާއި މަސައްކަތް އޮޅޭގޮތަށް ތަފާތު ލޭބަލްތައް އެޅުވުނު ނަމަވެސް، އޭނާ ހުރީ ސާބިތުކަމާއެކު އޭނާ ގަބޫލުކުރާ އުޞޫލުތަކުގެ މަތީގައި ކަމަށް ވިދާޅުވިއެވެ.
