ތައިޕޭ – ދުނިޔޭގެ ސަމާލުކަން މެދުއިރުމައްޗަށް ހުއްޓިފައިވާ ދަނޑިވަޅެއްގައި، ޗައިނާއިން ދަނީ މި ފުރުސަތުގެ ބޭނުން ވަރަށް ހަރުކަށިކޮށް ހިފަމުންނެވެ. ޗައިނާގެ ކޯސްޓްގާޑާއި ”މެރިޓައިމް މިލިޝިއާ“ ގެ ރެކޯޑް އަދަދެއްގެ އުޅަނދުފަހަރު މިއަދު ވަނީ ކިންމަން އަދި މަޓްސޫ ރަށްތަކުގެ ވަށައިގެންވާ ކަނޑުގެ ސަރަޙައްދަށް ޖަމާވެފައެވެ. މާހިރުން މިކަމަށް ކިޔަނީ ”ގްރޭ ޒޯން“ ހަނގުރާމައެވެ. މިއީ ސީދާ ހަނގުރާމައަކާ ހަމައަށް ނުގޮސް، ނަމަވެސް ގައުމެއްގެ މިނިވަންކަމާއި އިސްތިގުލާލު ނިގުޅައިގަތުމަށް ރޭވިގެން ހިންގާ ޢަމަލުތަކެއް ކަމަށެވެ.
އަސްކަރީ މަނަވަރުތަކުގެ ބަދަލުގައި، އާންމު ހެދުމުގައި ތިބޭ ގާނޫނު ތަންފީޒުކުރާ އުޅަނދުފަހަރު ބޭނުންކޮށްގެން ޗައިނާއިން މި ދަނީ ބައިނަލްއަގުވާމީ ގާނޫނުތަކުގެ ބާރު ކަނޑުވާލުމަށް މަސައްކަތް ކުރަމުންނެވެ. ޓައިވާނުން ބާރުގެ ބޭނުންކޮށްފިނަމަ، އެއީ ޗައިނާއަށް ދިން ހަމަލާއެއްގެ ގޮތުގައި އެ ގައުމުން ސިފަކުރެއެވެ. އަދި ޓައިޕާނުން އެއްވެސް ފިޔަވަޅެއް ނާޅައިފިނަމަ، އެ ސަރަޙައްދުގެ ކޮންޓްރޯލް ތައިވާނަށް ގެއްލިގެންދެއެވެ. މިފަދަ ރޭވުންތެރި އުކުޅުތަކުން ދޭހަވަނީ، ދުނިޔޭގެ ނުތަނަވަސްކަމުގެ ބޭނުން ހިފައިގެން، މަނާ ސަރަޙައްދުތަކުގައި ޗައިނާގެ ބާރު ދާއިމީކުރުމަށް މަސައްކަތްކުރާ ކަމެވެ. މިއީ ހުޅަނގުގެ ގައުމުތައް މެދުއިރުމައްޗާއި ޔޫކްރެއިންގެ ހަނގުރާމައިގައި ތާށިވެފައި ތިއްބާ، ކުރިމަގުގައި ތައިވާން ބަންދުކޮށްލުމަށް ބޭނުންވާ ބިންގާ އެޅުމަށް ކުރާ ކަމެކެވެ.
