ރ.ފައިނު ކައުންސިލުގެ ރައީީސް މޫސާ އުމަރު މަނިކު، ސަރުކާރު ހިންގާ ޕާޓީ ޕީއެންސީއާއި ގުޅިވަޑައިގެންފިއެވެ.
އޭނާ މިހައިތަނަށް ހުންނެވީ، އިދިކޮޅު ޕާޓީއެއްގޮތުގައި އޮތް އެމްޑީޕީގެ މެމްބަރެއްގެ ގޮތުގައެވެ. މޫސާ އުމަރު މަނިކު ކޮންގްރެސް ޕާޓީއާ ގުޅިވަޑައިގެންނެވުމުން، އޭނާގެ ފޯމާއި ޙަވާލުވެވަޑައިގަތީ، ރައީސުލްޖުމްހޫރިއްޔާ އަދި ޕީއެންސީގެ ރައީސް ޑރ.މުޙައްމަދު މުޢިއްޒުއެވެ.
އެމްޑީޕީގެ ޓިކެޓުގައި މަޖިލީހުގެ އިނގުރައިދޫ ދާއިރާގެ ގޮނޑި ފުރުއްވަމުން ގެންދެވި ޙަސަން އަޙުމަދު(ހަސަންޓޭ) ވެސް އެ ޕާޓީ ދޫކުރައްވައި ޕީއެންސީއާ ވަނީ ގުޅިފައެވެ.
އޭނާ ވިދާޅުވީ ސިޔާސީ ކަންކަމުގައި، ރައީީސް މުޢިއްޒު އާއިއެކު ކުރިއަށް ވަޑައިގަންނަވަން ނިންމަވައިފައިވާ ކަމަށާއި، އިޙްލާސްތެރިކަމާއި ތެދުވެރިކަމާއިއެކުގައި ޕީއެންސީގައި ހުންނަވާނެ ކަމަށެވެ.
