ކުރިއަށް އޮތް 20 ވަނަ ރައްޔިތުންގެ މަޖިލީހުގެ އިންތިހާބުގައި ކުރެންދޫ ދާއިރާއަށް ވާދަކުރެއްވުމަށް ހުޅުމާލެ ދާއިރާގެ މެންބަރު އަދި ކުރީގެ ރައީސް އިބްރާހީމް މުޙައްމަދު ޞާލިހުގެ ކޮއްކޮ އަލީ ނިޔާޒު ނިންމައި އެކަން ރޭ އިއުލާންކޮށްފިއެވެ.
ނިޔާޒު އެކްސްގައިި ކުރެއްވި ޕޯސްޓެއްގައި ބުނެފައިވަނީ ވަނީ 18 ވަނަ ރައްޔިތުންގެ މަޖިލީހާއި މިހާރު ހިނގަމުންދާ 19 ވަނަ މަޖިލީހަށް ކުރެންދޫ ދާއިރާގެ ރައްޔިތުން އަގުލަބިއްޔަތު ދިނީ އެމްޑީޕީގެ ކެންޑިޑޭޓަށްކަމަށެވެ. އެހެންކަމުން ކުރެންދޫ ދާއިރާއަށް ވާދަކުރައްވާކަން ހާމަކުރައްވަމުން އަލީ ނިޔާޒް ވިދާޅުވީ 20 ވަނަ މަޖިލީހަށްވެސް އެ ދާއިރާއިން ހޮވާނީ އެމްޑީޕީގެ ކެންޑިޑޭޓެއްކަމަށެވެ.
18 އަދި 19 ވަނަމަޖްލިސް އަށް ފާދިއްޕޮޅު ކުރެންދޫ ދާއިރާއިން އެދާއިރާގެ ރައްޔިތުން އަގުލަބިއްޔަތު ދިނީ އެމް.ޑީ.ޕީ ކެނޑިޑޭޓަށް. އިރާދަކުރެއްވިސްޔާ 20 ވަނަ މަޖްލިސްއަށްވެސް އެ ދާއިރާއިން ހޮވާނީ އެމް.ޑީ.ޕީ ގެ
ކެނޑިޑޭ ޓްއެއް#MDPKuriah pic.twitter.com/yKbK4H2f6Q— Ali Niyaz 🎈 (@ali_niya) January 5, 2024
19 ވަނަ ރައްޔިތުންގެ މަޖިލީހުގައި ކުރެންދޫ ދާއިރާއަށް އެމްޑީޕީގެ ޓިކެޓްގައި އިންތިހާބު ވެވަޑައިގެންނެވި އަބްދުލްޣަނީ އަބްދުލްޙަކީމް މިދިޔަ މަހު ވަނީ ވެރިކަންކުރާ ޕީއެންސީއާ ގުޅިވަޑައިގެންފައެވެ.
