އިސްލާމިކް މިނިސްޓްރީން އުފައްދާ ދީނީ ޗެނަލް ”ނޫރު ޓީވީ“ މި މަހު ފަށާނެ ކަމަށް އިސްލާމިކް މިނިސްޓަރ ޑރ. މުހައްމަދު ޝަހީމު އަލީ ސައީދު ވިދާޅުވެއްޖެއެވެ.
މީގެ ކުރިން އިސްލާމީ ޓީވީ ޗެނަލަކަށް ކިޔަން ރީތި ނަމެއް ހުށައަޅައި ދިނުމަށް ޑރ. ޝަހީމް ވަނީ އެދިވަޑައިގެންފައެވެ. ދީނީ ޗެނަލްއަށް ކިޔާނެ ނަމެެއް ހޯދުމަށް ޝަހީމުގެ ފޭސްބުކްގައި ޕޯސްޓު ކުރުމުން ގިނަ ބަޔަކުވަނީ ޚިޔާލުތައް ހިއްސާ ކޮށްފައެވެ.
އިސްލާމިކް މިނިސްޓްރީން މި އަހަރު ތެރޭގައި ކުރުމަށް ރާވާފައިވާ އިތުރު ކަންކަމުގެ ތެރޭގައި، ޒަކާތު ހައުސް އިފްތިތާހު ކުރުމާއި، އިސްލާމީ ދައުވަތުގެ 2024 ވަނަ އަހަރުގެ ޕްލޭން އިފްތިތާހު ކުރުމާއި، އަތޮޅު ވަގްފު މަޝްރޫއު އިއުލާންކުރުމާއި، ސައުދީ އަރަބިއްޔާއާ އެކު ހައްޖާއި އުމްރާގެ ހިދުމަތުގެ އެއްބަސްވުމުގައި ސޮއިކުރުން ހިމެނެއެވެ.
އިސްލާމީ ޓީވީ ޗެނަލެއް ހެދުމަކީ ރައީސް ޑރ. މުޙައްމަދު މުޢިއްޒުގެ ރިޔާސީ ވައުދުތަކުގެ ތެރޭގައި ހިމެނޭ ކަމަކެވެ.
