މާލޭ އުތުރު ފަރާތު ބޮޑުތަކުރުފާނު މަގު ޒަމާނީ ފެންވަރަށް ތަރައްޤީކުރުމުގެ މަޝްރޫޢުގެ ފުރަތަމަ ފިޔަވަހީގެ ދަށުން، ޢިއްޒުއްދީން ފާލަމުން ފެށިގެން ހެންވޭރު ފެރީ ޓަރމިނަލާ ހަމައަށް މަގު ހެދުމުގެ ޢަމަލީ މަސައްކަތް މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ފަށައިފިއެވެ.
އެމްޓީސީސީން އެކްސްގައި ޙިއްޞާކޮށްފައިވާ ޕޯސްޓެއްގައި ބުނެފައިވާ ގޮތުގައި، މި މަޝްރޫޢުގެ ފުރަތަމަ ފިޔަވަހީގެ ދަށުން ތަރައްޤީކުރުމަށް ހަމަޖެހިފައިވާ ސެގްމަންޓް 2 އިން ފެށިގެން ސެގްމަންޓް 5 އާއި ހަމައަށް ހިމެނޭ ސަރަޙައްދުގެ މަސައްކަތްތައް އިއްޔެ ފަށާފައިވާ ކަމަށެވެ. އެއީ ހެންވޭރު ފެރީ ޓަރމިނަލުން ފެށިގެން ޢިއްޒުއްދީން ޢިއްޒުއްދީން ފާލަމާ ހަމައަށް ހިމެނޭ ސަރަޙައްދެވެ.
We have commenced works on Phase 1 (Segment 2 to Segment 5) of the Malé North Side Boduthakurufaanu Road Development Project.
Sheetpiling works have started, while quay wall demolition works are currently progressing along the jetty area between the Henveiru Ferry Terminal and… pic.twitter.com/ULiu8CJOvP
— MTCC Plc (@MTCCPlc) March 24, 2026
ބޮޑުތަކުރުފާނު މަގު ޒަމާނީ ފެންވަރަށް ތަރައްޤީކުރުމުގެ މަސައްކަތުގެ ދަށުން މިހާރު ކުރިއަށްދަނީ ހެންވޭރު ފެރީ ޓަރމިނަލާއި މަސްވެރިންގެ ޕާކާ ދެމެދު އޮތް ޖެޓީ ސަރަޙައްދުގެ ޝީޓްޕައިލް ކުރުމުގެ މަސައްކަތާއި، އެ ސަރަޙައްދުގެ އެއްގަމު ތޮށި ތަޅާލުމުގެ މަސައްކަތެވެ.
ބޮޑުތަކުރުފާނު މަގު ޒަމާނީ ފެންވަރަށް ތަރައްޤީކުރުމުގެ ޢަމަލީ މަސައްކަތް ފަށާފައިވަނީ މިދިޔަ 2025 ވަނަ އަހަރުގެ އޮގަސްޓް މަހުގެ 22 ވަނަ ދުވަހުއެވެ. މި މަޝްރޫޢުގެ ދަށުން ޖުމްލަ 1،088 މީޓަރުގެ ސަރަޙައްދެއްގައި ތާރު އަޅައިގެން ޒަމާނީ ފެންވަރަކަށް ތަރައްޤީކުރުމަށް ހަމަޖެހިފައިވާއިރު އޭގެ ތެރެއިން ފުރަތަމަ ފިޔަވަހީގެ 390 މީޓަރުގެ ސަރަޙައްދުގެ މަސައްކަތް މިހާރު ވަނީ އެއްކޮށް ނިންމާލެވިފައެވެ.
ބޮޑުތަކުރުފާނު މަގު ޒަމާނީ ފެންވަރަކަށް ތަރައްޤީކޮށް ނިމުމުން އެ މަގު ވެގެންދާނީ އެ މަގުގައި ދުއްވާ އުޅަނދުތަކަށް ބޭނުންކުރަން ފަސޭހަ، ޖާގަ ތަނަވަސް އަދި ހިނގާބިނގާވެ އުޅޭ ފަރާތްތަކަށް ރައްކާތެރި މަގުތަކަކަށް ކަމަށް އެމްޓީސީސީން ވަނީ ބުނެފައެވެ.
