މެދުއިރުމަތީގައި ހިނގަމުންދާ ހަމަނުޖެހުން ތަކުގައި އަނިޔާވެރި ޔަހޫދީންނަށްވެސް ބިރުވެރިކަމާއި ކުރިމަތިލާން ޖެހިއްޖެއެވެ.
އިޒްރޭލާއި އެމެރިކާ ގުޅިގެން ހުސްވި ފެބްރުއަރީ 28 ވަނަ ދުވަހު އީރާނާއި ދެކޮޅަށް ފެށި ޢުދުވާނުގެ ރައްދު ހަމަލާތައް އިރާނުން ވެސް ދަނީ ދުވަހެއް ދުވަހަކަށް ވަރުގަދަ ކުރަމުންނެވެ. އެގޮތުން އީރާނުން ޔަހޫދީންގެ ވެރިރަށް ތެލް އަވީވަށް ބާރުގަދަ ހަތިޔާރު ބޭނުން ކޮށްގެން ވަރުގަދަ ހަމަލާތަކެއް ދެމުން އެބަދެއެެވެ. ކްލަސްޓަރ ވޯހެޑް، ނުވަތަ ގިނަ އަދަދެއްގެ ވަކިވަކި ބޮންތަކެއް ހިމެނޭ މިސައިލް ބޭނުން ކޮށްގެން ދެމުންދާ ހަމަލާތައް ދިފާޢު ކުރުމަށް ޞަހްޔޫނީ ދައުލަތުގެ ފައުޖުތަކުން ވަނީ ނުކުޅެދިފައެވެ. އަދި، ދިފާޢު ނުކުރެވި، އޭގެ ތެރެއިން ގިނަ ހަމަލާތައް ދަނީ ޔަހޫދީންގެ އަމާޒުތަކަށް އަރަމުންނެވެ.
އީރާންގެ މިވަރުގަދަ ހަމަލާތަކުގައި ޔަހޫދީ ފައުޖުގެ ގިނަ އަދަދެއްގެ ބަޔަކު މަރުވެ، ޒަޚަމުވަމުންދާއިރު، ތެލް އަވީވްގެ ގިނަ ސަރަޙައްދުތަކަކަށް ވަނީ ބޮޑެތި ގެއްލުންތަކެއް ލިބިފައެވެ. ތެލްއަވީވް ގެ މަލަމަތި އޮތޯ އަލިފާނުގެ ކިއްލާއެއް ހެނެވެ. އީރާނުގެ އިސްލާމީ އިންޤިލާބީ ލަޝްކަރު (އައިއާރްޖީސީ)އިން ބުނީ، މި ހަމަލާތަކަކީ އީރާންގެ ޤައުމީ ސަލާމަތާ ބެހޭ މަޖިލީހުގެ ވެރިޔާ ޢަލީ ލަރިޖާނީއާއި އޭނާގެ ދަރިކަލުން އަދި ނާއިބު ޢަލީރިޟާ ބައްޔާތު ޝަހީދުކޮށްލުމުން އެ ކަމުގެ ބަދަލުހިފުމުގެ ގޮތުން ދެމުންދާ ހަމަލާތަކެއް ކަމުގައެވެ. މި ޙަމަލާތަކުގައި ބޭނުންކޮށްފައިވަނީ ’ޚަރްމަޝްހެރު 4‘ އަދި ’ޤޮދަރް‘ މަރުކާގެ އެންމެ ޒަމާނީ މިސައިލްތަކެވެ.
ހިނގަމުންދާ ހަނގުރާމައާއި ގުޅިގެން އެކުވެރި ދައުލަތްތައް (އދ)ގެ އެޓޮމިކް ހަކަތައާ ބެހޭ މައި އިދާރާ (އައިއޭއީއޭ)ގެ ވެރިޔާ ރަފަޔަލް ގްރޮސީ ވަނީ ނިއުކްލިއަރ ކާރިސާއަކުން ސަލާމަތްކުރުމަށް ޓަކައި ހަނގުރާމަ ހުއްޓައިލުމަށް ގޮވައިލައްވާފައެވެ. ނަމަވެސް، އީރާނުގެ އެންމެ އިސް މުރުޝިދު މުޖްތަބާ ޙުސައިނީ އަލް-ޚާމަނާޢީ ވަނީ އެމެރިކާއިން ފޮޮޮނުވި ސުލްޙައިގެ ހުށަހެޅުންތަކަށް އިންކާރު ކުރައްވާފައެވެ.
މި އިންކާރު ކުރެއްވުމާއި ގުޅިގެން އީރާނުގެ އައު ރޫހާނީ ލީޑަރު މުޖްތަބާ ޚާމަނާޢީ ވިދާޅުވީ، އެމެރިކާއާއި ޔަހޫދީ ދައުލަތް ބަލިވެ، ކަކޫ މައްޗަށް ތިރިވެ، ދީފައިވާ ހުރިހާ ގެއްލުމެއްގެ ބަދަލު ފުރިހަމައަށް ނުދެނީސް އެއްވެސް މަޝްވަރާއެއް ނުވަތަ ސުލްޙައެއް ނޯންނާނެ ކަމަށެވެވެ. އަދި މިއީ ލަރިޖާނީއާއި އޭނާގެ ޢާއިލާ ޝަހީދުކޮށްލުމަށްފަހު އީރާނުން ކުރިއަށްދާނެ ސާބިތު ގޮތްކަން ވެސް މުޖްތަބާ ޚާމަނާޢީ ވަނީ ޔަޤީން ކޮށްދެއްވާފައެވެ.
