މާލޭ ވެޓް މާކެޓް ކޮމްޕްލެކްސް ތަރައްޤީކުރުމުގެ މަޝްރޫޢުގެ އެއްބަސްވުމުގައި މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ އިން ޓްރަސްޓެންގ މޯލްޑިވްސް ޕްރައިވެޓް ލިމިޓެޑާއެކު ސޮއިކޮށްފިއެވެ.
މި އެއްބަސްވުމުގައި މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޕަރމަނަންޓް ސެކްރެޓަރީ މުޙައްމަދު ޝާމިލް އެވެ. އަދި ޓްރަސްޓެންގ މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ މުޙައްމަދު ޢަބްދުލް ހާދީ އެވެ.
މިނިސްޓްރީން ބުނިގޮތުގައި މި މަޝްރޫޢުއަކީ 126,359,594.94 ރުފިޔާގެ މަޝްރޫޢުއެކެވެ. ކޮންޓްރެކްޓްގައި 15 މާރިޗު 2026 ގައި ސޮއިކުރެވިފައިވާއިރު، ކޮންޓްރެކްޓްގެ މުއްދަތު ގެ ގޮތުގައި ވަނީ 600 ދުވަހެވެ.
މި މަޝްރޫޢުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެޜޭގައި:
• 6 ފަންގިފިލާގެ ވެޓް މާކެޓް ކޮމްޕްލެކްސްއެއް އެޅުން
– ބޭސްމަންޓް – ޕާރކިންގ
– ގްރައުންޑް ފްލޯ – ފިޝް މާރކެޓް
– 1 ވަނަ، 2 ވަނަ އަދި 3 ވަނަ ފްލޯ – ވެޖިޓަބަލް މާރކެޓް
4 ވަނަ ފްލޯ – ފުޑް ކޯޓު ހިމެނެއެވެ.
މި އިމާރާތް އެޅުމަށް ހަމަޖެހިފައިވަނީ މާލޭ މަސްމާރުކޭޓު ކުރިމަތީގައި ހުންނަ ލޯކަލް މާރުކޭޓު ސަރަަޙައްދުގައި ކަމަށް މިނިސްޓްރީން ވަނީ ބުނެފައެވެ.
