މި އަހަރާއި އަންނަ 2027 ވަނަ އަހަރަށް، އެސްޓީއޯގެ ޑިރެކްޓަރުންގެ ބޯޑަށް އާންމު ހިއްސާދާރުންގެ ފަރާތުން އިންތިޚާބުކުރާނެ މެންބަރަކު ހޮވުމަށް އެސްޓީއޯއިން ނިންމައިފިއެވެ.
ޑިރެކްޓަރުންގެ ބޯޑަށް އާންމުހިއްސާދާރުންގެ ފަރާތުން އިންތިޚާބުކުރާނެ މެންބަރަކު ހޮވުމަށް އެސްޓީއޯއިން ނިންމާފައިވަނީ އެ ކުންފުނީގެ އަހަރީ އާންމު ޖަލްސާގައެވެ. އާންމުހިއްސާދާރުންގެ ފަރާތުން ޑިރެކްޓަރުންގެ ބޯޑަށް އިންތިޚާބުކުރުމަށް ހަމަޖެހިފައިވަނީ އެންމެ މެންބަރެއް ކަމަށް އެސްޓީއޯއިން މަޢުލޫމާތުދެއެވެ.
ޑިރެކްޓަރުންގެ ބޯޑަށް އާންމު ހިއްސާދާރުންގެ ފަރާތުން އިންތިޚާބުކުރާ މެންބަރުގެ ނަން ހުށަހެޅުމަށް ނޯޓިސް ދީފައިވަނީ މިދިޔަ ޖަނަވަރީ މަހުގެ 29 ދުވަހުއެވެ. އަދި މި ފުރުޞާތު ހަމަވެފައިވަނީ ހުސްވި ފެބބްރުއަރީ މަހުގެ 25 ވަނަ ދުވަހުގައެވެ.
އާންމު ހިއްސާދާރުންގެ ފަރާތުން އެ ކުންފުނީގެ ޑިރެކްޓަރުންގެ ބޯޑަށް ދެ ފަރާތަކުން ކުރިމަތި ލައިފައިވެއެވެ. އެ ފަރާތަކީ، މުޙައްމަދު އަޙްސަން ސަލީމް، މއ. ޓިއުލިޕްވިލާ / ކ. މާލެ އާއި ޢަބްދުﷲ ޔާސިރު، ފިނިމަންޒިލް / ސ. ފޭދޫ އެވެ. އެގޮތުން އަޙްސަން އަކީ އެކުންފުނީގެ 200 ހިއްސާގެ ވެރިފަރާތެވެ. އަދި ޔާސިރަކީ އެ ކުންފުނީގެ 101 ހިއްސާގެ ވެރިފަރާތެވެ.
