އައްޑޫސިޓީ ފޭދޫ ބަނދަރު ބޭރުގައި އަޅާފައިއޮތް ޑައިވިންގ ދޯންޏެއްގައި އަލިފާނުގެ ހާދިސާއެއް ހިނގައިފިއެވެ.
މިކަން ހާމަކޮށް މޯލްޑިވްސް ނެޝަނަލް ޑިފެންސް ފޯރސް (އެމްއެންޑީއެފް) އިން ސޯޝަލް މީޑިއާގައި ޙިއްޞާކޮށްފައިވާ ޕޯސްޓެއްގައި ބުނެފައިވަނީ، މި ހާދިސާ ހިނގުމާއެކު، އެމްއެންޑީއެފް ސަދަން އޭރިއާ ކޮމާންޑް، ފަޔަރ ފައިޓަރުން އެ ސަރަޙައްދުގައި ހަރަކާތްތެރިވެފައިވާ ކަމަށެވެ.
އައްޑޫ ސިޓީ ފޭދޫ ބަނދަރު ބޭރުގައި އަޅާފައިއޮތް ޑައިވިންގ ދޯނެޏެއްގައި އަލިފާން ރޯވެގެން އެމްއެންޑީއެފް ސަދަން އޭރިއާ ކޮމާންޑް، ފަޔަރ ފައިޓަރުން ހަރަކާތްތެރިވާން ފަށައިފި. pic.twitter.com/9MwmJx6qQT
— Maldives National Defence Force (@MNDF_Official) March 7, 2026
އެމްއެންޑީއެފްއިން ސޯޝަލް މީޑިއާގައި ޙިއްޞާކޮށްފައިވާ ފޮޓޯތަކުން ފެންނަ ގޮތުގައި އެ ޑައިވިން ދޯނީގައި ވަނީ ވަރަށް ބޮޑަށް ރޯވެ މުޅި ސަރަޙައްދަށް ދުންގަނޑު ފެތުރިފައެވެ. މި ހާދިސާއާ ގުޅިގެން އެމްއެންޑީއެފްއިން ބުނެފައިވަނީ، މި ހާދިސާގައި އެއްވެސް މީހަކަށް ގެއްލުމެއް ލިބިފައިވާކަމުގެ އެއްވެސް މަޢުލޫމާތެއް ލިބިފައިނުވާ ކަމަށެވެ. އަދި މި ހާދިސާ ހިނގުމަށް މެދުވެރިވީ ވަކި ސަބަބެއްވެސް މިހާތަނަށް ދެނެގަނެވިފައިނުވާ ކަމަށް އެމްއެންޑީއެފްއިން ބުންޏެވެ.
މަޢުލޫމާތު ލިބިފައިވާ ގޮތުގައި އެ ދޯންޏަށް ވަނީ ވަރަށް ބޮޑެތި ގެއްލުންތަކެއް ލިބިފައެވެ.
