އަމިއްލަ ގްރޫޕެއް ކަމަށްވާ އަލް އަބްރާރު ޙައްޖު އެންޑް ޢުމްރާ ގުރޫޕުން ޢުމްރާގެ އަޅުކަމަށް ގެންދާނެ ކަމަށްބުނެ އެތައް ބަޔަކުއަތުން ފައިސާނެގުމަށްފަހު ޢުމްރާގެ އަޅުކަމަށް ނުގެންދިޔުމުން ސަރުކާރުގެ އެހީގައި ޙައްޖުކޯޕަރޭޝަނުން އެމީހުން ޢުމްރާއަށް ފޮނުވައިފިއެވެ.
ޙައްޖުކޯޕަރޭޝަންގެ އެމްޑީ ޝަކީލް ވިދާޅުވީ މި އަހަރުގެ ބަރަކާތްތެރި ރަމަޟާން މަހު ޢުމްރާގެ އަޅުކަމަށް ގެންދާނެ ކަމަށް ބުނެ އަމިއްލަ ޢުމްރާ ގްރޫޕަކުން ގިނަ ބައެއްގެ އަތުން ފައިސާ ނެގުމަށްފަހު ޢުމްރާގެ އިންތިޒާމުތައް ހަމަޖައްސާފައި ނުވާތީ އޭގެ ތެރެއިން ގިނަ ބަޔަކަށް އެކޯޕަރޭޝަނުން އެފުރުޞަތު ފަހިކޮށްދީފައިވާކަމަށެވެ.
މި އަހަރުގެ ބަރަކާތްތެރި رَمَضَان މަހު ޢުމްރާގެ އަޅުކަމަށް ގެންދާނެ ކަމަށް ބުނެ އަމިއްލަ ޢުމްރާ ގްރޫޕަކުން ގިނަ ބައެއްގެ އަތުން ފައިސާ ނެގުމަށްފަހު ޢުމްރާގެ އިންތިޒާމުތައް ހަމަޖައްސާފައި ނުވާތީ އިއްޔެ ހަވީރުގެ ވަގުތެއްގައި މީގެ ތެރެއިން ގިނަ ބައެއްގެ އެދިލެއްވުމުގެމަތިން…
— Mohamed Shakeel 🇲🇻 (@schakyyl) March 4, 2026
މޯލްޑިވްސް ޙައްޖު ކޯޕަރޭޝަނުން ޖާގަ އޮތް މިންވަރުން 28 މީހުންނަށް ވިސާ ޖަހައި މައްކާ އަދި މަދީނާއިން އެކޮމޮޑޭޝަން، އަދި ކެއިންބުއިމާއި ދަތުރުފަތުރުގެ އެންމެހާ އިންތިޒާމުތައް، ވަނީ ހަމަޖައްސައިދީފައެވެ. މޯލްޑިވްސް ޙައްޖު ކޯޕަރޭޝަނުން މި 28 މީހުން ސައުދީޢަރަބިއްޔާއަށް ޢުމްރާގެ އަޅުކަމަށް ފުރުވާލީ މޯލްޑިވިއަންގެ ފްލައިޓަކުން ކަމަށް ޝަކީލް ވިދާޅުވިއެވެ.
އެކޯޕަރޭޝަނުން ނެރުނު ބަޔާނެއްގައި ވިދާޅުވީ ޢުމްރާވެރިންނަށް މި ފުރުޞަތު ހޯއްދަވައި ދެއްވާ އިންތިޒާމްތައް ހަމަޖައްސައި ދެއްވުމަށް ރައީސް ޑރ. މުޢިއްޒު އެދިވަޑައިގެންނެވި ކަމަށެވެ.
މިކަމާއި ގުޅިގެން ބަލަންޖެހޭ ކަންކަން އިސްލާމިކް މިނިސްޓްރީއާއި ޙައްޖުކޯޕަރޭޝަނުން ދަނީ ބަލަމުންނެވެ.
