މެދުއިރުމަތީގައި މިހާރު ހިނގަމުންދާ ހަމަނުޖެހުންތަކާއި ގުޅިގެން ދިވެހިރާއްޖެއިން ޢުމްރާގެ އަޅުކަން އަދާކުރުމަށް ދަތުރުކުރާ ފަރާތްތަކާއި، ޢުމްރާގެ އަޅުކަން އަދާކުރުމަށް މިހާރު މައްކާގައި ތިބި އެންމެހައި ފަރާތްތަކުން، އެ ފަރާތްތަކަށް ދިމާވާ ޚާއްޞަ ޙާލަތްތަކާ ގުޅިގެން މަޢުލޫމާތު ޙިއްޞާކުރުމާއި މަޢުލޫމަތު ހޯދުމަށް، މިނިސްޓްރީ އޮފް އިސްލާމިކް އެފެއަރޒްއިން ޚާއްޞަ ހޮޓްލައިނެއް ތަޢާރަފް ކޮށްފިއެވެ.
ޢުމްރާވެރިންނަށް ޚާއްޞަކޮށް ތަޢާރަފްކުރި ހޮޓްލައިން ނަންބަރަކީ:
- ހޮޓްލައިން ނަންބަރު: 3007070
- ދިވެހިރާއްޖެއިން ބޭރުން ގުޅާނަމަ: 3007070(960)+
މީގެ އިތުރުން ވަކި ޚާއްޞަ ޙާލަތެއް މެދުވެރިވެއްޖެނަމަ، ސަޢުދީ ޢަރަބިއްޔާގެ ރިޔާޟުގައި ހުންނަ ދިވެހިރާއްޖޭގެ އެމްބަސީގެ ހޮޓްލައިން ނަންބަރު +966506894477 އާއި ސަޢުދީ ޢަރަބިއްޔާގެ ޖިއްދާގައި ޤައިމުކޮށްފައިވާ ދިވެހިރާއްޖޭގެ ކޮންސިއުލޭޓުގެ ހޮޓްލައިން ނަންބަރު +966530838329 އަށް ވީ އެންމެ އަވަހަކަށް އެންގެވުމަށް އިސްލާމިކް މިނިސްޓްރީން ވަނީ އެދިފައެވެ.
މީގެ އިތުރުން މައްކާގައި ތިބި ދިވެހި ޢުމްރާވެރިންގެ ހުރިހާ ކަމެއް އިސްލާމިކް މިނިސްޓްރީގެ ފަރާތުން ވަރަށް ގާތުން ބަލަމުން އަންނަކަމަށް އެ މިނިސްޓްރީން ވަނީ ބުނެފައެވެ.
