ބ. ދަރަވަންދޫގައި ބިން ހިއްކުމުގެ މަޝްރޫއެއް ފަށަން އުޅޭ ކަމަށް ބުނެ ”އަދަދު“ ނޫހުން ފަތުރަމުން ގެންދަނީ ދޮގު ޚަބަރެއް ކަމަށް ހައުސިންގް މިނިސްޓަރު ޢަބްދުﷲ މުއްޠަލިބް ވިދާޅުވެއްޖެއެވެ.
މިކަން ދޮގުކުރައްވަމުން މިނިސްޓަރު އެކްސްގައި ޙިއްޞާކުރެއްވި ޕޯސްޓެއްގައި ވިދާޅުވީ، މިދިޔަ އަހަރުގެ މެދުތެރޭގައި ދަރަވަންދޫ ބިން ހިއްކުމާ ގުޅޭގޮތުން ޕްރިލިމިނަރީ ކޮންސެޕްޓެއް ދިރާސާ ކުރެވުނު ނަމަވެސް އެފަދަ އެއްވެސް މަޝްރޫއެއް ކުރިއަށް ގެންދިއުމަށް މިހާތަނަށް އަދި އެއްވެސް ހުއްދައެއް ދީފައިނުވާ ކަމަށެވެ.
This is not correct.
While a preliminary concept was explored in mid-2025, no approval has been granted for any reclamation project in B. Dharavandhoo. If there was an approved project, a formal communication would have been made with the island council.
To be clear: there is no… pic.twitter.com/PCbmMCE1DE— Abdulla Muththalib (@muththo) February 27, 2026
މިނިސްޓަރު ވިދާޅުވި ގޮތުގައި، ދަރަވަންދޫގައި ބިން ހިއްކުމުގެ އެއްވެސް މަޝްރޫއެއް ކުރިއަށް ގެންދިއުމަށް ހަމަޖެހިފައިވާނަމަ އެކަމާ ގުޅޭގޮތުން އެރަށު ކައުންސިލާ ޙިއްޞާކުރަންޖެހޭ ހުރިހާ ރަސްމީ މަޢުލޫމާތުތަކެއް ޙިއްޞާކުރާނެ ކަމަށެވެ. ނަމަވެސް ދަރަވަންދޫ ކައުންސިލާއިއެކު އެފަދަ މުޢާމަލާތެއް ކުރިއަށް ގެންގޮސްފައިނުވާ ކަމަށް މިނިސްޓަރު ވަނީ ފާހަގަކުރައްވައިފައެވެ.
ދަރަވަންދޫ ބިން ހިއްކުމާ ގުޅޭ އެއްވެސް މަޝްރޫއެއް ފަށަން މިހާތަނަށް އެއްވެސް ބަޔަކާއެކު އެއްބަސްވުމެއްގައި ސޮއިކޮށްފައިނުވާ ފާހަގަކުރައްވަމުން މިނިސްޓަރު މުއްޠަލިބް އިތުރަށް ވިދާޅުވެފައިވަނީ އެފަދަ މަޝްރޫއެއް ކުރިއަށް ގެންދިއުމަށް އެއްވެސް ނިންމުމެއް މިހާތަނަށް ނިންމާފައިވެސް ނުވާނެ ކަމަށެވެ.
ފިތުނަ އުފެދޭ ގޮތަށް ”އަދަދު“ ނޫހުން މިފަދަ ގޮތަކަށް ޚަބަރު ފަތުރަމުންދާއިރު، ރާއްޖޭގައި ކުރިއަށްގެންދާ ހުރިހާ މަޝްރޫއެއްވެސް ކުރިއަށްގެންދާނީ ކަނޑައެޅިފައިވާ ވަކި އުޞޫލުތަކަކާ އެއްގޮތަށްވާ ގޮތުގެ މަތިން ސިޓީ ނުވަތަ ރަށު ކައުންސިލްތަކާއި ރައްޔިތުންނަށް އެނގިގެންނެވެ.
