މާލޭ ބޮޑުތަކުރުފާނު މަގުގައި ހިނގި އެކްސިޑެންޓްގައި ސައިކަލުފަހަތުގައި އިން 16 އަހަރުގެ ފިރިހެން ކުއްޖާ ފަރުވާދެނިކޮށް ނިޔާވެފައިވާ ކަމަށް ފުލުހުން ބުނެފިއެވެ.
އެކްސިޑެންޓް ހިނގަން މެދުވެރިވި ސަބަބެއް ކަމުގައި ފުލުހުން ބުނީ މާލޭ ބޮޑުތަކުރުފާނު މަގު ބްރިޖް ލައިޓް ކައިރިން ބާރު ސްޕީޑުގައި ދުއްވި ސައިކަލެއް ކޮންޓްރޯލް ނުވެގޮސް، ޕޭވްމަންޓް މައްޗަށް އަރައިގެން ކަމަށެވެ.
މި އެކްސިޑެންޓް ހިނގާފައިވާކަމުގެ ރިޕޯޓު ފުލުހުންނަށް ލިބިފައިވަނީ 24 ފެބްރުވަރީ ދަންވަރު 1:39 ހާއިރު ކަމަށްވެސް ފުލުހުން ބުނެއެވެ.
އެކްސިޑެންޓްގައި ސައިކަލު ދުއްވަން އިނީ 19 އަހަރުގެ ފިރިހެނެކެވެ. އަދި ފަހަތުގައި އިނީ 16 އަހަރުގެ ފިރިހެން ކުއްޖެއް ކަމަށް ފުލުހުން ބުނެއެވެ. އެކްސިޑެންޓާއެކު ދެ ޒުވާނުންނަށްވެސް ވަނީ އައިޖީއެމްއެޗް އީ އާރުގައި ފަރުވާ ދޭންފަށާފައެވެ. އެހެން ނަމަވެސް ފަރުވާދެނިކޮށް 16 އަހަރުގެ ޒުވާނާ ވަނީ ނިޔާވެފައެވެ.
ނިޔާވެފައިވަނީ ބ. ދަރަވަންދޫ ހިޔަލީ ގުލްޝަން މުޙައްމަދު ނިހާނު ނާޡިމް އެވެ. ނިހާނުގެ މައްޗަށް ކުރެވޭ ކަށުނަމާދު އޮތީ މިއަދުގެ އަޞްރު ނަމާދަށްފަހު އާސަހަރާ މިސްކިތުގައެވެ.
މި މައްސަލަ ފުލުހުން ދަނީ ތަޙުޤީޤު ކުރަމުންނެވެ.
