މާލޭގެ އެއްގަމު ދަތުރުފަތުރުގެ ކަންކަމަށް ބޮޑު ލުއިފަސޭހައެއް ގެނައުމަށް މާލޭގެ އެންމެ ކާރޫބާރު ބޮޑު ސަރަޙައްދު ކަމަށްވާ ބޮޑުތަކުރުފާނު ތަރައްޤީކޮށް ސަރުކާރުން މަޝްރޫޢު ނިމުމަކާއި ގާތަށް ގެންގޮސްފައިވަނިކޮށް އިދިކޮޅު އެމްޑީޕީގެ މޭޔަރު އާދަމް އާޒިމް އެސަރަޙަށްދަށް ވަޑައިގެން އެކަމުގެ ކްރެޑިޓް ނަންގަވަން މަސައްކަތް ކުރައްވައިފިއެވެ.
ބާޒާރުމަތީ މަގު ހެދުމުގެ މަޝްރޫޢުގެ ދަށުން ލޯކަލް މާރުކޭޓު ސަރަޙައްދުން ފެށިގެން ނޯތު ހާބަރާ ހަމައަށް 250 މީޓަރުގެ ސަރަޙައްދެއްގައި ވަނީ ތާރު އަޅާފައެވެ. މަގު ފުޅާކުރުމަށްޓަކައި ފަޅުތެރެއިން ބައެއް ހިއްކައިގެން 6 މީޓަރުގެ ސަރަޙައްދެއް މަގަށް ވަނީ އިތުރުކޮށްފައެވެ. މިއީ ބަނދަރު ސަރަޙައްދުގެ ތޮއްޖެހުން ކުޑަކޮށް، މުދާ އުފުލުމުގައި ވިޔަފާރިވެރިންނަށް ހުރި ހުރަސްތައް ނައްތާލުމަށް އެޅުނު މުހިންމު ފިޔަވަޅެކެވެ. މި މަސައްކަތުގެ ކޮންޓްރެކްޓަރ ސަރުކާރުގެ ކުންފުނި އެމްޓީސީސީ އެވެ.
އެހެންނަމަވެސް މިތަން ތަރައްޤީކޮށް ނިމުމަކާއި ގާތްވެފައިވަނިކޮށް އެމްޑީޕީގެ ޓިކެޓްގައި މާލޭގެ މޭޔަރުކަމަށް ހޮވަޑައިން ހުންނެވި އާދަމް އާޒިމް މިވަނީ މިތަނަށް ވަޑައިގެން ސަރުކާރުން ނިންމާފައިވާ ކަމެއްގެ ކްރެޑިޓް ނަންގަވަން މަސައްކަތް ކުރައްވާފައެވެ.
ބޮޑުތަކުރުފާނުމަގު ގައި ސަރުކާރުން އަލަށް ތަރައްޤީކުރި ސަރަޙައްދުގައި މޭޔަރު އާޒިމް ހުއްޓިވަޑައިން ނެންގެވި ފޮޓޯ ތަކާއިއެކު މާލޭސިޓީ ކައުންސިލްގެ ރަސްމީ އެކައުންޓްތަކުން ކޮށްފައިވާ ޕޯސްޓްގައި ލިޔެފައިވަނީ ބޮޑުތަކުރުފާނު މަގުގެ އަލަށް ތަރައްޤީކުރި ސެގްމެންޓްގެ ޓްރެފިކް ލައިން އަދި ލޯޑިންގ އަންލޯޑިންގ ޖާގަތައް ހެދުމަށްޓަކައި މޭޔަ އާޒިމް އެ ސަރަހައްދު ބައްލަވާލައްވަން ވަޑައިގެންނެވި ކަމަށެވެ.
އެހެންނަމަވެސް ސަރުކާރުގެ ފަރާތުން މަޢުލޫމާތު ލިބުނުގޮތުގައި އެ ސަރަޙައްދުގައި މާލެސިޓީ ކައުންސިލުން ކުރަންޖެހޭ އެއްވެސް މަސައްކަތެއް ނެތެވެ. އަދި ކައުންސިލާއި މަތިކުރި ޒިންމާވެސް އަދާކޮށްފައި ނުވެއެވެ. ބޮޑުތަކުރުފާނު މަގުގެ ޓްރެފިކް ލައިންތައް އެމްޓީސީސީ އިން ވަނީ ކުރަހާ ނިންމާފައި ކަމަށާއި، ލޯޑިންގ އަންލޯޑިންގ ޖާގަތަކުގެ ކަންކަންވެސް ސަރުކާރުގެ ކުންފުނި އެމްޕީއެލް އިން ކޮށް ނިންމާފައިވާ ކަމަށް ސަރުކާރުން ބުނެއެވެ.
”އެމްޓީސީސީއިން ޓްރެފިކް ލައިންތައް ކުރަހާފަ އޮތީ، ލޯޑިންގ އަން ލޯޑިންގ ޖާގަތައް އެމްޕީއެލް އިން ބަލަހައްޓަނީ.. މޭޔަރު ކުރާނެ ކަމެއް އެތާގަ ނެތް، ހަމަ ސްޓަންޓް ޖައްސަނީ ކަމަށް ބެލެވެނީ،، މޭޔަރު ކުރިއްޔާ ކުރީ ޖެއްސުން، ލޯކަލް މާރުކޭޓު ހުސްކޮށްދޭން އެދުމުން އެކަން ނުކޮށްދީ އޮތީމަ އެތަނުގަ ޕޭވްމެންޓް ނުހެދި އެ އޮތީ“ ސަރުާރުގެ އޮފިޝަލަކު ވިދާޅުވިއެވެ.
މި ސަރަޙައްދުގައި މާލޭ ސިޓީކައުންސިލުން ކުރަން ޖެހޭ ކަމެއްގެ ގޮތުގައި އޮތީ ޕޭވްމެންޓް ހެދުމަށް ލޯކަލް މާރުކޭޓު ސަރަޙައްދު ހުސްކޮށްދިނުމެވެ. އެހެންނަމަވެސް އެ ސަރަޙައްދުގައި ހަދަންޖެހޭ ޕޭވްމެންޓްގެ މަސައްކަތް ލަސްވެފައިވަނީ އާދަމް އާޒިމް އެކަމުގައި އެއްބާރުލުން ދީފައިނުވާތީ ކަމަށް ސަރުކާރުގެ އިސް އޮފިޝަލަކު މަޢުލޫމާތު ދެއްވިއެވެ.
A look back at the construction time-lapse of Phase 2 of the Malé North Side Boduthakurufaanu Road Development Project. 🚧 👷#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/yvsMzDcsA0
— MTCC Plc (@MTCCPlc) February 17, 2026
މާލޭގެ ބޮޑުތަކުރުފާނު މަގުގެ ޗާންދަނީ މަގުން ފެށިގެން ފާލަންދޮށު ހިނގުމާ ހަމައަށް އަލަށް ތަރައްޤީކުރި ސެގްމަންޓް، ދެކޮޅަށް ދުއްވާ މަގެއްގެ ގޮތުގައި އާންމު ދަތުރުފަތުރަށް މިހާރުވަނީ ހުޅުވާލާފައެވެ. މިއީ މާލޭގެ ބަނދަރު ސަރަޙައްދުގެ ދަތުރުފަތުރަށް ދިމާވެފައިވާ ދަތިތަކަށް ޙައްލެއް ހޯދުމަށް ސަރުކާރުން ކުރިއަށްގެންދިޔަ މުހިންމު މަޝްރޫޢެކެވެ.
މި މަޝްރޫޢު ނިމިގެންދާއިރު އެ ސަރަޙައްދަކީ ދެކޮޅަށް ދުއްވޭ، ހިނގާ މީހުންނަށް އަމާން އަދި ފެންބޮޑުވުމުގެ މައްސަލައަށް ދާއިމީ ޙައްލެއް ލިބިފައިވާ ޒަމާނީ މަގަކަށް ވެގެންދާނެއެވެ. މި ބަދަލާއެކު މާލޭގެ އެންމެ ބާރުބޮޑު އެއް ސަރަޙައްދުގެ ޓްރެފިކް ފްލޯއަށް ބޮޑު ކުރިއެރުމެއް ލިބޭނެ ކަމަށް ބެލެވެއެވެ.
