ހުޅުމާލޭގައި ޕިކަޕެއް ދަށުގައި އޮތް މީހެއްގެ ގައިމައްޗަށް ޕިކަޕް ވެއްޓުނު ހާދިސާއާ ގުޅިގެން ޢުމުރުން ދުވަސްވީ ދިވެއްސަކު ނިޔާވެއްޖެއެވެ.
މި ހާދިސާއާ ގުޅިގެން މީޑިއާތަކަށް ފޮނުވި މެސެޖެއްގައި ފުލުހުން ބުނެފައިވަނީ، ހުޅުމާލެ ސަހަރާ ކައިރީގައި އޮތް ޕިކަޕެއްގެ މަސައްކަތް ކުރުމަށް އެ ޕިކަޕް ދަށުގައި އޮތް މީހެއްގެ ގައިމައްޗަށް ޕިކަޕު ވެއްޓިފައިވާކަމުގެ މަޢުލޫމާތު އިއްޔެ ހެނދުނު 11:05 އެހައިކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މި ހާދިސާއާ ގުޅިގެން ހުޅުމާލޭ ހޮސްޕިޓަލާ ޙަވާލާދީ ފުލުހުން ބުނީ، ހޮސްޕިޓަލަށް އެ މީހާ ގެންދިޔައިރުވެސް ނިޔާވެފައިވާ ކަމަށެވެ.
މި ހާދިސާގައި ނިޔާވެފައި ވަނީ ޢުމުރުން 60 އަހަރުގެ ދިވެހި ފިރިހެނެކެވެ. މި މައްސަލަ އިތުރަށް ތަޙުޤީޤުކުރަމުން އަންނަކަމަށް ފުލުހުން ވަނީ އިތުރަށް ބުނެފައެވެ.
