ކުރިއަށް އޮތް ރަމަޟާން މަހަށް ތައްޔާރުވުމުގެ ގޮތުން އިކޮނޮމިކް މިނިސްޓަރު މުޙައްމަދު ސަޢީދު ވިޔަފާރިވެރިންނާއި ސަރުކާރުގެ ސްޓޭކް ހޯލްޑަރުންނާއެކު މަޝްވަރާ ބައްދަލުވުންތަކެއް ކުރިއަށް ގެންގޮސްފިއެވެ.
މި ބައްދަލުވުމާ ގުޅިގެން އިކޮނޮމިކް މިނިސްޓްރީން އެކްސްގައި ޙިއްޞާކުރި ޕޯސްޓެއްގައި ބުނީ، މި ބައްދަލުވުންތަކުގައި މައިގަނޑު ގޮތެއްގައި މަޝްވަރާކުރެވުނީ، ރާއްޖޭގެ އެކި ކަންކޮޅުތަކަށް ބޭނުންވާ ބޭނުންވާ ތަކެތި އެކަށީގެންވާ މިންވަރަށް ލިބޭނެ އިންތިޒާމުތައް ހަމަޖެއްސުމާ ތަކެތީގެ އަގުތައް އެއްވަރެއްގައި ހިފެހެއްޓުމުގެ އިތުރުން، އެ ތަކެތި ފަސޭހަކަމާއެކު ޢާންމުންނަށް ލިބޭނެ އިންތިޒާމުތައް ހަމަޖެއްސުމާ ގުޅޭގޮތުން ކަމަށެވެ.
https://twitter.com/MoEDmv/status/2023019428695482855
މި ބައްދަލުވުންތަކުގެ މައިގަނޑު މަޤުޞަދަކީ، ޕަބްލިކް އަދި ޕްރައިވެޓް ސެކްޓަރ ގުޅިގެން މަސައްކަތްކުރުމާއި ޒަރޫރީ ތަކެތި ޢާންމުންނަށް އިތުބާރުހިފޭ ގޮތެއްގައި ލިބޭނެ މަގު ފަހިކޮށްދިނުން ކަމަށް އިކޮނޮމިކް މިނިސްޓްރީން ވަނީ ބުނެފައެވެ.
ކުރިއަށް އޮތް ރަމަޟާން މަހަށް ޒަރޫރީ ތަކެތި އެއްވެސް ދަތިކަމެއް ނެތި ޢާންމުންނަށް ލިބޭނެކަން ކަށަވަރު ކުރުމަށް ސަރުކާރުން ކުރައްވަމުންގެންދަވާ މަސައްކަތުގެ ދަށުން، އަސާސީ ކާބޯތަކެތީގެ 26 ބާވަތް އެސްޓީއޯގެ އައުޓްލެޓްތަކުން ހެޔޮ އަގުގައި ލިބޭނެ ކަމުގެ ޔަޤީންކަން އިކޮނޮމިކް މިނިސްޓްރީން ވަނީ ދީފައެވެ.
