މުޅި އައްޑޫ ސިޓީން ފެންނަނީ އެމްޑީޕީން ގެނެސްދީފައިވާ ތަރައްޤީކަމަށް ރައްޔިތުންގެ މަޖްލީހުގެ މަރަދޫ ދާއިރާގެ މެންބަރު އަހުމަދު ދީދީ ވިދާޅުވެއްޖެއެވެ.
އޭނަ މިފަދައިން ވިދާޅުވީ ކުރިއަށްއޮތް ލޯކަލް ކައުންސިލްތަކުގެ އިންތިޚާބުގެ އައްޑޫސިޓީގެ ކެމްޕެއިން ފެށުމާއި، އެމްޑީޕީގެ ފަރާތުން އެދާއިރާއަށް ކުރިމަތިލާ ކެންޑިޑޭޓުން ތަޢާރަފް ކުރަން އައްޑޫސިޓީގައި މިރޭ ބޭއްވި ޖަލްސާގައި ވާހަކަ ދައްކަވަމުންނެވެ.
ދީދީ ވިދާޅުވީ މިހާތަނަށް 2008 ވަނަ އަހަރުން ފެށިގެން ބެލިކަމުގައި ވިޔަސް މުޅި އައްޑޫ ސިޓީން ފެންނަނީ އެމްޑީޕީގެ އެކަނި ތަރައްޤީކަމަށާއި، އެހެން އެއްވެސް ބަޔަކު އެއްވެސް ކަމެއް އެ ސިޓީއަށް ނުކޮށްދޭ ކަމަށެވެ.
އެމްޑީޕީގެ މިދިޔަ ވެރިކަން ނިމުނު އިރު މުޅި އައްޑޫސިޓީގެ މަލަމަތި ފެންނާނީ ކޮންކްރީޓް ސައިޓެއްހެން ކަމަށާއި، އެހެންނަމަވެސް މިހާރު ވަނީ އެހުރިހާ މަސައްކަތް ހުއްޓިފައި ކަމަށް އޭނާ ވިދާޅުވިއެވެ. އަދި ސަރުކާރުގެ ކެންޑިޑޭޓުންނަށް ވޯޓު ދޭންޖެހޭ އެއްވެސް ސަބަބެއް ނެތްކަމަށް އޭނާ ވިދާޅުވިއެވެ. މިއާއިއެކު އެމްޑީޕީއަށް ވޯޓުދޭން ޖެހޭ ސަބަބު ބަޔާން ކުރަމުން ދީދީ ވިދާޅުވީ މުޅި އައްޑޫ ސިޓީއަށް ތަރައްޤީ ގެނެސްދިނީ އެމްޑީޕީން ކަމަށެވެ. އޭޓީއެމް އެއް ފިޔަވާ މިސަރުކާރުން މަރަދޫއަށް ކަމެއް ނުވާކަމަށް ވިދާޅުވިއެ.
”މިފަހަރަ ވޯޓުދޭވީ ތެލެފަތަށް، އައްޑޫސިޓީގެ ރައްޔިތުންނަކީ އަބަދަށަސް ތަރައްޤީއަށް މަސައްކަތްކެރާ ، ތަރައްޤީއަށް ވަކާލާތު ކެރާ މީހާ.. އަފިރިން ބޭނުންވެނީ ތަރައްޤީ، އަފިރިންނާއެ މަލަމަތި ދެއްކީ އެމްޑީޕީން.. މިވެރިން ދެންނެ އެއްތައްނޫން ތަރައްޤީއަކީ،، މިހެއިތަނަށް މި އައްޑޫ ސިޓީއަށް 2008 އިން ފެށިގެން މިހެއިތަނަށް އެމްޑީޕީ ވެރިކަމެކި ނޫންފަހެ އެއްވެސް ކަމަށް ވެފެއި ތެބެއޮތެ، އަފިންނަށް ފެނޭކަށްނެތް“
Addu Convention Centre sarahahdhun MDP sarukaaruge rayyithun athun vakikuri goathi thah havaalu kurun feshigen kuriyah dhanee. #ShukuriyyaaRaeesYameen pic.twitter.com/ZcP3bJnYFs
— Dr Mohamed Muizzu (@MMuizzu) June 28, 2018
ދީދީ މިފަދައިން ވިދާޅުވި ނަމަވެސް ޕީޕީއެމްގެ ކުރީގެ ސަރުކާރުގައި އަދުގެ ރައީސް ޑރ. މުޢިއްޒުގެ މިނިސްޓަރުކަމުގައި އައްޑޫސިޓީގެ މައި ހޮސްޕިޓަލްގެ މަސައްކަތާއި، ހައުސިންގ މަޝްރޫޢުގެ، އިތުރުން ބިންހިއްކުންފަދަ ކަންކަން ވަނީ ކޮށްފައެވެ.
"@aziyad1: Addu ga 100-bed tertiary hospital ge project consultants vanee short list kurevifa. MDP vaudhu nuviyas mikan higaane."
— Dr Mohamed Muizzu (@MMuizzu) May 31, 2013
އޭގެފަހުން އައި އެމްޑީޕީ ވެރިކަމުގައި މަޑުޖެހުނުހާ ތަރައްޤީ މިވެރިކަމުގައި ފެށިގެންދިޔަ މަންޒަރު ފެންނަ ކަމަށް އައްޑޫގެ ބައެއް ފަރާތްތަކުން ވަނީ ބުނެފައެވެ. އަދި މިސަރުކާރުގެ ފާއިތުވެގެންދިޔަ 2 އަހަރުގެ ތެރޭގައި އެމްޑީޕީން ހުއްޓުވި އެތައްކަމެއް ފެށިފައިވާ ކަމަށް އައްޑޫ ސިޓީގެ މީހުން ބުނެއެވެ. އޭގެ ތެރޭގައި، އައްޑޫގެ މުޅި އިޤްތިޞާދާއި ގުޅިފައިވާ ޝަންގްރިއްލާ ރިސޯޓު އޮޕަރޭޝަނަށް ގެނައުމާއި، މިދިޔަ 5 އަހަރު ހުއްޓިފައިވާ މަގު ހެދުމާއި، ހިތަދޫ ހުޅުމީދޫ ގުޅުވައިދޭ ބްރިޖްގެ މަސައްކަތް ފެށުމާއި،އެހެނިހެން ތަރައްޤީގެ މަސައްކަތްތައް އައްޑޫސިޓީގައި ބާރު ދުވެލީގައި ކުރިއަށްއެބަ ދާކަމަށް ”އެކިއެމްވީ“ އިން ސުވާލުކުރުމުން އައްޑޫސިޓީއަށް ނިސްބަތްވާ ބައެއް އާންމުން ވަނީ ބުނެފައެވެ.
