ދިވެހިރާއްޖޭގައި ޒަކާތުގެ ނިޒާމު ހަރުދަނާކުރުމުގެ ސަބަބުން މިދިޔަ 5 އަހަރުގެތެރޭ އެންމެ ގިނައިން ޒަކާތްދެއްކީ މިދިޔަ އަހަރުކަން ރިޔާސީ ބަޔާނުން ހާމަވެއްޖެއެވެ.
މިއަހަރުގެ ރިޔާސީ ބަޔާން އިއްވަމުން ރައީސް ޑރ. މުޢިއްޒު ވިދާޅުވެދެއްވީ އެމަނިކުފާނުގެ ޒަޢާމަތުގައި ޒަކާތުގެ ނިޒާމް ހަރުދަނާ ކުރުމަށް ކުރެވިގެން ދިޔަ ގިނަގުނަ މަސައްކަތްތަކެވެ. އެގޮތުން އިސްލާމްދީނުގައި ޒަކާތް ޝަރުޢުކުރައްވާފައިވާ މަޤްޞަދުތައް ޙާޞިލުކުރެވޭނެހެން، ދިވެހިރާއްޖޭގައި ޒަކާތް ދެއްކުމާއި ޒަކާތް ބަލައިގަތުމާއި، ޒަކާތުގެ ގޮތުގައި ލިބޭ މުދަލާއި ފައިސާ ބެހުމުގެ ކަންކަން ހިންގައި ބެލެހެއްޓުން ހަރުދަނާ ކުރުމަށްޓަކައި، ރާއްޖޭގެ ތާރީޚުގައި ފުރަތަމަ ފަހަރަށް، ޒަކާތުގެ ޤާނޫނެއް މިހާރު ވަނީ ވުޖޫދު ކުރެވިފައިކަން ފާހަގަ ކުރެއްވިއެވެ.
މިއީ އެތަކެއް އަހަރެއްގެ ދިގު އިންތިޒާރެއްގެ ނިމުންކަން ފާހަގަކުރައްވާ ރައީސް ވިދާޅުވީ، މިއީ ރާއްޖޭގައި ދީނި ކަންކަން ހަރުދަނާކޮށް ކުރިއެރުވުމުގައި ލިބުނު ވަރަށް ބޮޑު ކާމިޔާބީއެއްކަމަށެވެ. އަދި ޒަކާތުގެ ނިޒާމް ހަރުދަނާވުމުގެ ނަތީޖާއަކީ މިހާރު ރާއްޖޭގައި ޒަކާތް ދައްކާ މިންވަރު އިތުރުވެފައިވުން ކަމަށް ރައީސް ވިދާޅުވިއެވެ.
”ޒަކާތުގެ ނިޒާމު ހަރުދަނާކުރުމަށް މި ސަރުކާރުން ކުރަން ފަށްޓާފައިވާ މަސައްކަތްތުގެ ސަބަބުން ޒަކާތުގެ ނިޒާމަށް ރައްޔިތުންގެ އިތުބާރު ބޮޑުވެ ޒަކާތުގެ ގޮތުގައި ދައްކާ ފައިސާ ދަނީ އިތުރުވަމުން. މިގޮތުން ނިމިދިޔަ އަހަރު 107,205,043 ރުފިޔާ ޒަކާތުގެ ގޮތުގައި ވަނީ ދައްކާފައި. މިއީ ވޭތުވެ ދިޔަ 5 އަހަރުވެސް އެންމެ ގިނައިން ޒަކާތް ދެއްކި އަހަރު“ ރައީސް
