100 ރުފިޔާގެ ނޫޓުގެ އާ ސްޓޮކެއް މޯލްޑިވްސް މަނިޓަރީ އޮތޯރިޓީ (އެމްއެމްއޭއިން) ގެނެސްފި އެވެ.
މިކަން ހާމަކޮށް އެ އޮތޯރިޓީން ބުނީ، ރަން ދިހަފަހެއް ނޫޓް ސީރީޒްގެ ނޫޓުތަކުގެ ތެރެއިން 100 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން އާ ސްޓޮކެއް ގެނެސްފައިވާ ކަމަށެވެ.
މަދުވުމުގެ ސަބަބުން ގެނެސްފައިވަނީ ކިހާ އަދަދެއްގެ ސްޓޮކެއް ކަމެއް އެމްއެމްއޭއިން ހާމަކޮށްފައެއްނުވެ އެވެ. ސްޓޮކް މަދުވުމުގެ ސަބަބުން ބޭރުން ޗާޕުކޮށްގެން އާ ސްޓޮކް ރާއްޖެއަށް ގެނައުމަކީ އެމްއެމްއޭއިން އަބަދު ވެސް ކުރާ ކަމެކެވެ.
2016 ވަނަ އަހަރުގެ ތެރޭގައި އެމްއެމްއޭއިން ވަނީ ޒަމާނުއްސުރެ ބޭނުންކުރަމުންދިޔަ ކަރުދާސް ނޫޓް އުވާލައި ރަން ދިހަފަހެއްގެ ނަމުގައި އާ ނޫޓު ސީރީޒެއް ތަޢާރަފްކޮށްފައެވެ.
