ޕީޕަލްސް ނޭޝަނަލް ކޮންގްރެސް (ޕީއެންސީ) ގެ އަންހެނުންގެ ގޮފީގެ ހިންގާ ކޮމިޓީ އާއި ޕާޓީގެ ޒުވާނުންގެ ގޮފީގެ ހިންގާ ކޮމިޓީއަށް މެންބަރު އައްޔަނުކޮށްފި އެވެ.
އެ ޕާޓީން ވަނީ ރަސްމީކޮށް އެކަން އިއުލާނުކޮށްފަ އެވެ. އެގޮތުން ކޮންގްރެސް ޕާޓީގެ ޒުވާނުންގެ ގޮފީގެ ހިންގާ ކޮމިޓީގެ މެންބަރު ކަމަށާއި ކޮންގްރެސް ޕާޓީގެ އަންހެނުންގެ ގޮފީގެ ހިންގާ ކޮމިޓީއަށް މެންބަރުން ހޮވާފައިވާ ކަމަށް ޕާޓީގެ ރަސްމީ ސޯޝަލްމީޑިއާގައި ހާމަކުރިއެވެ.
އެގޮތުން ޕީއެންސީ އަންހެނުންގެ ގޮފީގެ ރައީސާ އަކީ ރައީސް އޮފީހުގެ ތަރުޖަމާނު އަދި އެންސްޕާގެ ވެރިޔާ ހީނާ ވަލީދެވެ.
ކޮންގްރެސްގެ އަންހެނުންގެ ގޮފީގެ ހިންގާ ކޮމެޓީގައި 15 މެންބަރުން ހިމެނެ އެވެ.
ކޮންގްރެސްގެ ޒުވާނުންގެ ހިންގާ ކޮމެޓީގެ ރައީސަކީ ހަނާން މުހައްމަދު ރަޝީދެވެ. އޭނާ އަކީ ކޮންގްރެސްގެ ތ. ގުރައިދޫ ދާއިރާގެ މަޖިލީސް މެންބަރެވެ. ޒުވާނުންގެ ހިންގާ ކޮމެޓީގައި ހިމެނެނީ 14 މެންބަރުންނެވެ.
އެ ހުރިހާ މެންބަރުންނަށް ޕީއެންސީން ވަނީ މަރުޙަބާ ކިޔާފަ އެވެ.
