ކ. ތިލަފުށީ ސައިޓެއްގައި މަސައްކަތް ކުރަމުންދިޔަ ބިދޭސީއަކު ގެއްލިގެން ހޯދަމުން ދަނިކޮށް އެމީހާ މަރުވެފައި އޮއްވާ ފެނިއްޖެއެވެ.
އެމީހާ ގެއްލިގެން ހޯދަމުން އަންނަކަމަށް ފުލުހުން ހާމަކުރީ މިއަދު ހަވީރުއެވެ. އެކަމުގެ އަޕްޑޭޓްދެމުން ފުލުހުން ބުނީ އެމީހާ މަރުވެފައި އޮއްވާ ފެނިފައިވާ ކަމަށެވެ. އެއީ ކޮން ގައުމަކަށް ނިސްބަތްވާ މީހެއްކަމެއް ފުލުހުން އަދި ނުބުނެއެވެ. އެހެން ނަމަވެސް މަޢުލޫމާތު ލިބޭ ގޮތުގައި އެއީ ތިލަފުށީ ސައިޓެއްގައި މަސައްކަތް ކުރަމުންދިޔަ ބަންގްލަދޭޝް މީހެއް ކަމަށް ވެއެވެ.
ފުލުހުން ބުނީ އިތުރު ތަފްސީލް ފަހުން ހާމަކުރާނެކަމަށެވެ. އެމީހާ ގެއްލިފައި ވަނީ މި މަހުގެ 26 ވަނަ ދުވަހުއެވެ.
އެ މީހާ ގެއްލުނު ހާދިސާއާ ގުޅިގެން ތަފާތު އެކި ވާހަކަތައް ދަނީ ފެތުރެމުންނެވެ. އޭނާއަށް ބޮޑު އަނިޔާއެއްދީ ތާކަށް އެއްލާލި ކަމަށް ވެސް ވާހަކަ ދެކެވެ އެވެ. ނަމަވެސް މި ތުހުމަތުތަކާއި ގުޅޭގޮތުން ފުލުހުން ވަކި އެއްޗެއް ނުބުނެ އެވެ.
