ނިރުބަވެރި އިސްރާއީލުން ޣައްޒާގައި ހިންގަމުންދިޔަ ޤަތުލުއާންމު ހުއްޓާލަން އެެއްބަސްވުމަކަށް އައި ފަހުން މިހާތަނަށް 477 މީހަކު ޝަހީދުކޮށްލާފައިވާ ކަމަށް މީޑިއާ ރިޕޯޓްތައް ބުނެފިއެވެ.
އޮކްޓޯބަރު މަހުގެ 10 ވަނަ ދުވަހުން ފެށިގެން ނިރުބަވެރި ޣައްޒާ އާއި އިސްރާއީލާއި ދެމެދު ހަނގުރާމަ ހުއްޓާލުމަށް އެއްބަސްވި ނަމަވެސް، ނިރުބަވެރިން ކޮންމެ ދުވަހަކުވެސް ޣައްޒާއަށް ބޮން އަޅައެވެ. ހަނގުރާމަ ހުއްޓާލުމާ އެކު ވެސް ގާތްގަނޑަކަށް ކޮންމެ ދުވަހަކު ޔަހޫދީން ވަނީ އެތައް ސަތޭކަ ފަހަރެއްގެ މަތިން އެއްބަސްވުމާ ފާޅުގައި ޚިލާފުވެފައެވެ.
އަލްޖަޒީރާއިން ބުނީ އޮކްޓޯބަރު މަހުގެ 10 ވަނަ ދުވަހުން ފެށިގެން އިސްރާއީލުން ފަލަސްތީނުގެ 477 މީހުން ޝަހީދުކޮށް، 1،300 އަށް ވުރެ ގިނަ މީހުން ޒަޚަމްކޮށްފައިވާއިރު، އޭގެ ފަހުން ކޮންމެ ދުވަހަކު ވެސް ހަމަލާތައް ދެމުން އަންނަ ކަމަށެވެ.
